06.06.2026 | 19:05
Բիթքոյնը կորցնում է գրավչությունը․ ներդրողները նախընտրում են AI ընկերություններն ու խոշոր IPO-ները
Երևանի ավագանու արտահերթ նիստ կլինի՝ մեկ ուղևորության համար 150 դրամ սակագին սահմանելու օրակարգով
28.01.2025 | 22:51
Հունվարի 31-ին՝ 10:00-ին, Երևանի ավագանին արտահերթ նիստ կգումարի: Factor.am-ը քաղաքապետարանի կայքէջից տեղեկանում է, որ օրակարգում մեկ հարց է` Երևանի ավագանու 2024 թվականի մարտի 12-ի N 95-Ն որոշման մեջ լրացրումներ կատարալու մասին: Սա վերաբերում է տրանսպորտի սակագներին:
Նշենք, որ այսօր Երևանի քաղաքապետ Տիգրան Ավինյանը հայտնեց, որ մեկ ուղևորության համար կսահմանեն 150 դրամ սակագին:
Հավելենք, որ օրեր առաջ էլ Ավինյանը հայտարարեց սակագների` սպասվող փոփոխությունների մասին: Այդ տարբերակով միայն մեկի դեպքում է, որ արժեքի փոփոխություն կա՝ 2200 դրամի փոխարեն 2000 դրամ, մյուս դեպքերում փոփոխվել են միայն օգտագործման ժամկետները և ուղևորությունների քանակը։ Երևանի նախկին քաղաքապետ Հայկ Մարությանը Տիգրան Ավինյանի հայտարարությունից հետո տեղեկացրել է, որ փետրվարի 1-ին նախատեսվող բոյկոտն ուժի մեջ է: Նախկին քաղաքապետը հորդորում է օգտվել տրանսպորտից` վճարելով 100 դրամ:
Արփի Հակոբյան
