22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Արամ Սարգսյանը շնորհավորել է Հայկ Մարությանին՝ Երևանի քաղաքապետի պաշտոնում ավելի քան համոզիչ հաղթանակի առիթով
Քաղաքականություն
25.09.2018 | 15:11
Հայաստանի Դեմոկրատական կուսակցության նախագահ Արամ Սարգսյանը շնորհավորել է Երևանի քաղաքապետ Հայկ Մարությանին՝ պաշտոնում ընտրվելու առթիվ.
«Երևանի նորընտիր քաղաքապետ
պարոն Հայկ Մարությանին
Հարգելի պարոն Մարության,
Հայաստանի Դեմոկրատական կուսակցությունը շնորհավորում է Ձեզ Երևանի քաղաքապետի պաշտոնում ավելի քան համոզիչ հաղթանակի առիթով:
Այն մեծ և աննախադեպ վստահությունը, որը ցուցաբերվել է անձամբ Ձեր և քաղաքական թիմի նկատմամբ, արտահայտում է արդարության հաստատման, կոռուպցիայի դեմ պայքարի և մեր մայրաքաղաքի իրական բարեկարգման երևանցիների սպասելիքները:
Պատրաստ ենք համագործակցելու և ներկայացնելու մայրաքաղաքի՝ որպես ամբողջական, առանձնահատուկ միավորի համապարփակ զարգացումն ապահովող մեր կուսակցության առաջարկները:
Մաղթում ենք Ձեզ և նորընտիր ավագանու անդամներին արգասաբեր աշխատանք:
Հայաստանի Դեմոկրատական կուսակցության
նախագահ Արամ Սարգսյան
