30.03.2025 | 20:02
Փարաքարում մեկնարկել է քվեների հաշվարկը․ ՈՒՂԻՂ
Բաքվում ընթանում է Ռուբեն Վարդանյանի շինծու քրգործով դատական նիստը
Քաղաքականություն
27.01.2025 | 12:23
Բաքվի զինվորական դատարանում, դատավոր Զեյնալ Աղաևի նախագահությամբ, մեկնարկել է Արցախի նախկին պետնախարար Ռուբեն Վարդանյանի դեմ հարուցված շինծու քրգործերով նախապատրաստական երկրորդ նիստը, հայտնում են ադրբեջանական լրատվամիջոցները։
Հիշեցնենք, որ Ռուբեն Վարդանյանի գործն Արցախի մյուս ղեկավարների ու պաշտոնյաների գործից առանձին է քննվում։
Առաջին նիստը տեղի էր ունեցել հունվարի 17-ին։ Նիստի ընթացքում Վարդանյանն ու նրա փաստաբանը երկու միջնորդություն էին ներկայացրել։ Մեկը վերաբերվում էր նրան, որ իր դեմ հարուցված շինծու քրգործը միացվի Արցախի մյուս 15 ղեկավարների ու պաշտոնյաների գործին, որը դատարանը մերժել էր։
Հաջորդ միջնորդությունը վերաբերում էր մեղադրական նյութերին ծանոթանալու համար լրացուցիչ ժամանակ տրամադրելուն։ Դատարանը որոշել էր բավարարել միջնորդությունը, տրվել էր լրացուցիչ 10 օր՝ գործի նյութերը ուսումնասիրելու համար ու հաջորդ նիստը նշանակել հունվարի 27-ին։
Թարգմանությունը՝ Էմմա Չոբանյանի
