30.04.2026 | 11:46
ՀՀ-ն մամուլի ազատության ինդեքսում նահանջել է, սակայն մնում է տարածաշրջանում առաջատարը. հրապարակվել է RSF-ի զեկույցը
Ստամբուլում հայկական դպրոցի վրա զինված հարձակում է տեղի ունեցել
Քաղաքականություն
24.01.2025 | 12:59
Ստամբուլի Բաքըրքոյ թաղամասում գտնվող հայկական Դադյան դպրոցի հին շենքի վրա զինված հարձակում է տեղի ունեցել, փոխանցում է Ակոս-ը։
Դեպքը տեղի է ունեցել հունվարի 21-ին։ Վերջին տարիներին դպրոցի շենքն օգտագործվում է Անատոլիայի մասնավոր ավագ դպրոցի կողմից։ Անվտանգության տեսախցիկների տեսագրությունների ուսումնասիրմամբ պարզվել է, որ տարածքում որոշ ժամանակ անցկացրած երկու կասկածյալներից մեկը կրակ է բացել դպրոցի ուղղությամբ, իսկ մյուս կասկածյալը հավաքել է գետնին ընկած դատարկ պարկուճները։
Կասկածյալներ Շ․Ք-ն և Յ․ Չ-ն նույնակացվել են, պարզվել է, որ նրանք պատսպարվել են նույն թաղամասում տներից մեկում։ Նրանց ձերբակալելու ընթացքում հասցեում խուզարկությամբ առգրավվել է ապօրինի ատրճանակ և 14 փամփուշտ։ Պարզվել է, որ նրանք քրեական անցյալ ունեն։
Դպրոցի շենքը պատկանում է Բաքըրքոյի Սուրբ Աստվածածին եկեղեցու հիմնադրամին։ Հիմնադրամի նախագահ Մարի Յանջըի գրավոր հայտարարության մեջ ասվում է, որ նշված անձինք հարբած են եղել և պատահական կրակոցներ են արձակել։
Թարգմանությունը՝ Էմմա Չոբանյանի
