10.08.2026 | 18:11
Պռոշյան բնակավայրում բռնկված հրդեհը մարվել է
ՌԴ ՊՆ-ն հայտնել է 121 ԱԹՍ-ի ոչնչացման մասին. Ռյազանի շրջանում նավթավերամշակման գործարան է այրվում
Քաղաքականություն
24.01.2025 | 11:55
Ռուսաստանի Պաշտպանության նախարարությունը հայտնել է մի շարք շրջաններում և բռնակցված Ղրիմում 121 ԱԹՍ-ի ոչնչացման մասին։ Գերատեսչության տվյալներով՝ Ռյազանի շրջանում 20 անօդաչու թռչող սարք է խոցվել։ Տարածաշրջանի նահանգապետ Պավել Մալկովը հայտնել է, որ անօդաչու թռչող սարքի բեկորներն ընկել են առանձնատան վրա, փոխանցում է Current Time-ը։
«Հրդեհ է բռնկվել, որը մարվել է կարճ ժամկետում, զոհեր և վիրավորներ չկան»,- գրել է նա։
Տարածաշրջանային օպերատիվ շտաբը հայտնել է, որ ձեռնարկություններից մեկի տարածքում ընկած անօդաչու թռչող սարքի բեկորների հետևանքները վերացվել են՝ չհստակեցնելով, թե որ ձեռնարկության մասին է խոսքը։
Astra-ն գրում է, որ հարձակման հետևանքով, ենթադրաբար, հրդեհ է բռնկվել Ռյազանի նավթավերամշակման գործարանում։ Բացի այդ, հարձակման է ենթարկվել մոտակայքում գտնվող Նովո-Ռյազան ՋԷԿ-ը։
Մոսկվայի քաղաքապետ Սերգեյ Սոբյանինը հայտնել է, որ անօդաչուներ են խոցվել Կոլոմնայի, Ռամենսկոյե քաղաքային շրջանի, Պոդոլսկի, Տրոիցկի վարչական շրջանների և Շչյոլկովոյի երկնքում։ Պաշտպանության նախարարությունը հայտնել է, որ Ռուսաստանի մայրաքաղաքի երկնքում մեկ անօդաչու թռչող սարք է խոցել։
Թարգմանությունը՝ Տաթև Ֆռանգյանի
