10.08.2026 | 17:24
Բանավեճ Էդգար Ղազարյանի ու Վիլեն Գաբիելյանի միջև. ՏԵՍԱՆՅՈՒԹ
Պուտինը կործանում է Ռուսաստանը՝ Ուկրաինայի հարցով գործարքի չգնալով․ Թրամփ
Քաղաքականություն
21.01.2025 | 12:12
ԱՄՆ նախագահ Դոնալդ Թրամփը հայտարարել է, որ Ռուսաստանի առաջնորդ Վլադիմիր Պուտինը «կործանում է Ռուսաստանը»՝ հրաժարվելով Ուկրաինայում պատերազմին վերջ տալու գործարքից, փոխանցում է BBC-ի ռուսական ծառայությունը։
«Նա պետք է գործարք կնքի։ Կարծում եմ՝ նա կործանում է Ռուսաստանը՝ գործարքի չգնալով», – ասել է Թրամփը՝ Սպիտակ տան Օվալաձև աշխատասենյակում լրագրողների հետ զրույցում, մեջբերում է AFP-ն: «Կարծում եմ՝ Ռուսաստանը մեծ խնդիրներ կունենա»։
«Նա չի կարող ուրախանալ, որ իր համար ամեն ինչ այնքան էլ լավ չի ընթանում: Մարդկանց մեծամասնությունը կարծում էր, որ պատերազմը մեկ շաբաթից կավարտվի, սակայն այժմ այն շարունակվում է արդեն երեք տարի»,- հավելել է ԱՄՆ նախագահը։
Թրամփը կարծում է, որ Ուկրաինայի նախագահ Վլադիմիր Զելենսկին պատրաստ է գործարք կնքել՝ հակամարտությունը դադարեցնելու համար։ Նա նաև ասել է, որ ծրագրում է մոտ ապագայում հանդիպել Պուտինի հետ։ Թրամփի խոսքով՝ հանդիպման նախապատրաստման գործընթացն արդեն ընթանում է։
«Մենք կփորձենք դա անել հնարավորինս արագ։ Գիտեք, Ռուսաստանի և Ուկրաինայի միջև պատերազմը երբեք չպետք է սկսվեր», – հավելել է Թրամփը։
Երբ լրագրողները հիշեցրել են Թրամփին, որ նա խոստացել էր ավարտել պատերազմը իր պաշտոնավարման առաջին իսկ օրը, նա պատասխանել է, որ դա անելու համար ունի «կես օր»։
Թարգմանությունը՝ Տաթև Ֆռանգյանի
