04.06.2026 | 17:46
Ալեքսան Ալեքսանյանին օժանդակելու գործով 25 անձ ձերբակալվել է․ ՔԿ
ՔՊ-ն և «Հանրապետություն»-ը քվորում չեն ապահովի. ավագանու ընդդիմադիր խմբակցության նախաձեռնած արտահերթ նիստը չի կայանա
Քաղաքականություն
18.01.2025 | 20:12
Ինչպես արդեն տեղեկացրել ենք, Երևանի ավագանու «Մայր Հայաստան» խմբակցությունը հունվարի 21-ին նախաձեռնել է ավագանու արտահերթ նիստ: Նիստը կկայանա, եթե քվորում ապահովվի, այսինքն՝ դահլիճում ներկա լինի 65 հոգանոց ավագանու առնվազն 33 անդամ։
Factor.am-ի տեղեկություններով` քաղաքի կառավարումը ստանձնած «Քաղաքացիական պայմանագիր» և «Հանրապետություն» խմբակցությունների ավագանու անդամները չեն ներկայանա և քվորում չեն ապահովի:
Նշենք, որ նիստի օրակարգում ընդգրկված է երկու հարց`կարմիր գծերում մեքենա կայանելու վճարի` 13 անգամ թանկացման և տրանսպորտի թանկացման որոշմումների կասեցում:
Հիշեցնենք, որ արտահերթ նիստ գումարելու համար «Մայր Հայաստան» խմբակցությունը ստորագրահավաք էր սկսել, որին միացել են «Ազգային առաջընթաց» խմբակցության անդամներ և ավագանու երկու անկախ անդամ` ապահովելով ընդհանուր 23 ստորագրություն` անհրաժեշտ 22-ի փոխարեն:
Ընդգծենք, որ Երևանի հասարակական տրանսպորտը փետրվարի 1-ից կթանկանա։ Կգործեն տրանսպորտից օգտվելու փաթեթներ․ տարեկան փաթեթը կարժենա 90,000 դրամ, ամսականը՝ 9,000 դրամ, եռամսյակայինը՝ 24,000 դրամ, շաբաթականը՝ 5,000 դրամ, 1 օրը՝ 900 դրամ (8 ուղևորություն), 90 րոպեն՝ 300 դրամ (3 ուղևորություն)։
Արփի Հակոբյան
