Մեր թատրոնի դերասանն ամսական 90 հազարով է աշխատում, ասում են` որքան սոված, այնքան լավ կաշխատի. Լիլի Էլբակյան․ ՏԵՍԱՆՅՈՒԹ

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

«Հայ թատրոնը երիտասարդ թատրոն չէ, 20 տարով հետ ենք աշխարհից: Այն շարունակում է գործել հին ավանդույթներով ու ճաշակով: Ես այն համոզման եմ, որ ամեն լավ ներկայացում պարտավոր է վաճառվել և վաճառվում է»,- Factor TV-ի հետ զրույցում տեսակետ է հայտնում դերասանուհի, ռեժիսոր Լիլի Էլբակյանը:

Նա անդրադառնում է նաև Հայաստանում դերասանների ցածր աշխատավարձի խնդրին, որը շարունակում է մնալ չլուծված. «Մեզ մոտ դեռ մտածում են, որ դերասանը պետք է սոված լինի, ասում են` այդպես ինքը ավելի լավ է աշխատում: Ամբողջ օրը մեր դերասանները թատրոնում են, բայց ամսական ամենաշատը 90 հազար դրամ են ստանում, պետք է հիմար բաներով զբաղվեն, որ փող աշխատեն. պետությունը պետք է սիստեմ մտածի, որ դա կանխի»:

Լիլի Էլբակյանը խոսում է նաև պրոդյուսերների, ռեժիսորների կողմից նախագծերում մեծ թվով հետևորդներ ունեցող վլոգերներին նախապատվություն տալու միտումին. «Եթե վլոգերը համապատասխանում է դերին, թող խաղա, բայց, առհասարակ, դեմ եմ դիլետանտիզմին: Ես ոչ վիրաբույժին չէի վստահի վիրահատություն, ինչպե՞ս կարելի է ոչ մասնագետի վստահել դեր: Բայց հաճախ էլ անփորձ մարդիկ դերասաններից լավ են խաղում, այսինքն`չեն խաղում: Մերոնք, ովքեր թատրոնում են խաղում, էկրանին դերասանություն են անում, հետո պարզվում է` ընդհանրապես պետք չէր խաղալ»:

Լիլի Էլբակյանը շուրջ 20 տարի է` դասավանդում է, սկզբում` Թատերական ինստիտուտում, հիմա` ՀՊՄՀ-ում: Ասում է` ուսանողները սկզբում չեն պատկերացնում` ուր են եկել. «Այսօր արվեստը պլաստմասսայե, սինթետիկ բան է դարձել, այստեղից-այնտեղից թխած: Թատերականում, օրինակ, բոլորն աշխատում են, հացի, վարձի խնդիր ունեն, բայց ասում եմ` եթե դասի չեք նստելու, էլ ինչո՞ւ եք վճարում, եկել եք սովորելու, սովորեք, նոր գնացեք`ուր կուզեք»:

Դերասանուհին խոսում է նաև արվեստագետի վրա երկրի համար բեկումնային, ճգնաժամային իրադարձությունների ազդեցության մասին: Նա շեշտում է` օրինակ` «Համլետ» պիեսը բեմադրվել է մեծ պատերազմներից հետո, ռեժիսորի խոսքով` սովորաբար այդպիսիք լինում են պատմության մեջ լավագույն ներկայացումները. «Երբ երկրում դժվարին իրավիճակ է, հաճախ չես ուզում ստեղծագործել, հետո հասկանում ես, որ դու հենց քո ստեղծածով պետք է մարդկանց հանես այդ վիճակից: Եթե արվեստագետն անտարբեր է իր երկրում իր շուրջը կատարվողի հանդեպ, մարդ կոչվել չի կարող: Եթե դու լավ քաղաքացի չես, ինչպե՞ս կարող ես բեմից խոսել: Կուզեի, որ մեր արվեստագետները կուլիսներում, թփերի տակ չխոսեին իրենց խնդիրներից, օրինակ` ցածր աշխատավարձից, այլ` բարձրաձայնեին այդ մասին: Պառակտվածությունն ու անտարբերությունը մեր ամենամեծ թշնամիներն են: Մյուս կողմից էլ նեգատիվն է շատ: Բոլորը բողոքում են: Հա, շատ վատ է ամեն ինչ, բայց դու քո տեղում ի՞նչ ես անում, որ լավ լինի»:

Մանրամասները`տեսանյութում:

Աննա Բաբաջանյան