09.10.2026 | 13:17
Գագիկ Ծառուկյանի և Սեդրակ Առուստամյանի գործով նիստ է նշանակվել
Թրամփը Հոլիվուդում իր «դեսպաններ» է նշանակել Ստալոնեին, Գիբսոնին և Վոյթին
Քաղաքականություն
17.01.2025 | 15:30
ԱՄՆ նորընտիր նախագահ Դոնալդ Թրամփը հայտնի կինոաստղեր և երկարամյա համախոհներ Սիլվեստր Ստալոնեին, Մել Գիբսոնին և Ջոն Վոյթին նշանակել է Հոլիվուդում հատուկ դեսպաններ՝ փորձելով ժամանցի ոլորտը դարձնել «ավելի ուժեղ, քան երբևէ», գրում է VOA-ն:
Դերասանների եռյակը Հոլիվուդում առանձնանում է այն պատճառով, որ նրանց հայացքները հակասում են իրենց գործընկերներից շատերին, որոնք ավանդաբար աջակցում են Դեմոկրատական կուսակցությանը:
«Պատիվ ունեմ հայտարարելու, որ Ջոն Վոյթը, Մել Գիբսոնը և Սիլվեստր Ստալոնեն կլինեն հատուկ դեսպաններ Կալիֆորնիայի մեծ, բայց շատ խնդիրներ ունեցող քաղաք Հոլիվուդում։ Նրանք կլինեն իմ հատուկ ներկայացուցիչները՝ վերադարձնելու Հոլիվուդը, որը վերջին չորս տարիների ընթացքում շատ բիզնեսներ է կորցրել օտարերկրյա մրցակիցների պատճառով։ Ավելի մեծ, ավելի լավ և ավելի ուժեղ, քան երբևէ։ Այս երեք անհավանական տաղանդավոր մարդիկ կլինեն իմ աչքերն ու ականջները, և ես կանեմ այն, ինչ նրանք առաջարկեն: Հոլիվուդում, ինչպես Ամերիկայի Միացյալ Նահանգներում, նորից կգա ոսկե դար»,- գրել է Թրամփը իր Truth Social հարթակում:
Հանրապետականներն ավանդաբար մեծ համբավ չեն վայելում ժամանցի արդյունաբերության ներկայացուցիչների շրջանում, և շատ հայտնիներ, ինչպիսիք են Թեյլոր Սվիֆթը և Ջորջ Քլունին, պաշտպանել են դեմոկրատ թեկնածու Քամալա Հարիսին 2024 թվականի նախագահական ընտրություններում:
Թարգմանությունը՝ Տաթև Ֆռանգյանի
