17.12.2025 | 11:33
Տեր Շտեգենը վերադարձել է խաղադաշտ ու մասնակցել «Բարսելոնայի» հաղթանակին․ ՏԵՍԱՆՅՈՒԹ
Նախնական տվյալներով՝ «Իմ քայլը»՝ 81.06%, ԲՀԿ՝ 6.95 %, «Լույս» դաշինք՝ 4.99%. Հայկ Մարությանը համարվում է իրավունքի ուժով ընտրված քաղաքապետ
24.09.2018 | 07:30
ԿԸՀ-ն հրապարակել է Երևանի ավագանու արտահերթ ընտրությունների նախնական արդյունքները, որոնք ստացվել են մայրաքաղաքի բոլոր 475 ընտրատեղամասերից:
Ըստ այդմ՝ ձայների ճնշող մեծամասնությամբ՝ 294 109 քվե կամ 81.06%, առաջատարը «Իմ քայլը» դաշինքն է:
Երկրորդ տեղում 25 219 քվեով կամ 6.95 % ձայնով «Բարգավաճ Հայաստան» կուսակցությունն է:
Երրորդը «Լույս» դաշինքն է, որն ստացել է 18 112 քվե կամ ընտրողների 4.99%-ը:
Մնացած քվեները բաշխվել են հետևյալ կերպ.
«Երևանի հանրություն» կուսակցությունների դաշինքը – 2 502 ձայն կամ 0.69%
«Երևանցիներ» կուսակցությունների դաշինք – 2 985 ձայն կամ 0.82%
«Երկիր Ծիրանի» կուսակցություն –5 059 ձայն կամ 1.39%
«Ժառանգություն» կուսակցություն – 2709 ձայն կամ 0.75%
«Ժողովրդավարական ուղի» կուսակցություն –799 ձայն կամ 0.22%
«Հայ հեղափոխական դաշնակցություն» կուսակցություն – 5 882 ձայն կամ 1.62%
Հայք (հայկազուններ) կուսակցություն – 692 ձայն կամ 0.19%
«Ռեֆորմիստներ» կուսակցություն – 792 ձայն կամ 0.22%
«Օրիաց երկիր» կուսացություն – 3948 ձայն կամ 1.09%
Համաձայն «Երևան քաղաքում տեղական ինքնակառավարման մասին» օրենքի, Հայկ Մարությանը համարվում է իրավունքի ուժով ընտրված քաղաքապետ, քանի որ ստացել է ձայների 50 տոկոսից ավելին:
Հիշեցնենք, որ ընտրություններին մասնակցել է 12 քաղաքական ուժ. «Բարգավաճ Հայաստան», «Երկիր Ծիրանի», «Ժառանգություն», «Ժողովրդավարական ուղի», ՀՅ Դաշնակցություն, «Հայք» («Հայկազուններ»), Ռեֆորմիստների, «Օրինաց երկիր» կուսակցությունները, «Երևանի հանրություն», «Երևանցիներ», «Իմ քայլը» և «Լույս» կուսակցությունների դաշինքները:
Համաձայն Ընտրական օրենսգրքի, Երևանի ավագանու անդամների 65 մանդատները բաշխվում են այն կուսակցությունների և կուսակցությունների դաշինքների թեկնածուների ընտրական ցուցակների միջև, որոնք ստացել են ընտրություններում կողմ քվեարկված քվեաթերթիկների ընդհանուր թվի և անճշտությունների թվի գումարի համապատասխանաբար առնվազն` կուսակցությունների դեպքում` 6 տոկոս, իսկ կուսակցությունների դաշինքների դեպքում` 8 տոկոս կողմ քվեարկված քվեաթերթիկներ:
Եթե կողմ քվեարկված քվեաթերթիկների ընդհանուր թվի և անճշտությունների թվի գումարի առնվազն 6 (8) տոկոս կողմ քվեարկված քվեաթերթիկներ ստացել են երեքից պակաս կուսակցություն կամ դաշինք, ապա մանդատների բաշխմանը մասնակցում են առավելագույն կողմ քվեարկված քվեաթերթիկներ ստացած երեք քաղաքական ուժերը:
