22.04.2026 | 23:30
ՀՀ տարածքում ավտոճանապարհները հիմնականում անցանելի են
«Արևմտյան ադրբեջանցիների» մասին թեզին պետք է հակադրել ԼՂԻՄ սահմաններից դուրս՝ Ադրբեջանում ապրող հայերի մասին թեզը․ Լաուրա Բաղդասարյան․ ՏԵՍԱՆՅՈՒԹ
Քաղաքականություն
14.01.2025 | 19:00
«Արևմտյան ադրբեջանցիների» մասին թեզին պետք է հակադրել ԼՂԻՄ սահմաններից դուրս՝ Ադրբեջանում ապրող հայերի մասին թեզը, քանի որ Հայաստանը լքած ադրբեջանցիներին հավասարեցնել Արցախից հայերին, որը հատուկ ինքնավար կարգավիճակ ուներ, իրավաչափ չէ։ Factor TV-ի հետ զրույցում նման կարծիք է հայտնում «Ռեգիոն» հետազոտական կենտրոնի տնօրեն Լաուրա Բաղդասարյանը։
Նա հավելում է՝ ադրբեջանական կողմն ընդհանրապես անտեսում է հայ փախստականնեի գոյությունը, որոնք ապրել են Ադրբեջանում՝ Լեռնային Ղարաբաղի սահմաններից դուրս։
Անդրադառնալով Ադրբեջանի նախագահ Իլհամ Ալիևի ագրեսիվ թեզերին՝ Բաղդասարյանը նշում է, որ մամուլի ասուլիսում նրա ելույթը մանրակրկիտ պատրաստված էր, այդ թվում՝ Հայաստանի առաջին նախագահի մասնակցությամբ տեսանյութի տարածմամբ։
Ինչ վերաբերում է հայկական կողմի արձագանքին, ըստ Լաուրա Բաղդասարյանի՝ Հայաստանի վարչապետի նպատակը ցանկացած միջոցով Ադրբեջանի հետ խաղաղության պայմանագրին հասնելն է, չնայած երաշխիքների բացակայությանը, որ դրանով հակամարտությունը կավարտվի։ Նրա կարծիքով՝ խաղաղության պայմանագրի շուրջ ամբողջ գործընթացը հիշեցնում է ԵԱՀԿ Մինսկի խմբի հովանու ներքո Արցախի հարցով 30-ամյա բանակցային գործընթացը։
Հարցազրույցն ամբողջությամբ՝ տեսանյութում։
Սամվել Մելիքսեթյան
