07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Լավրովը՝ հայ և ռուս ժողովուրդների միջև զգացմունքների, պաշտոնական բարդ հարաբերությունների ու ԵՄ-ին ՀՀ անդամակցության մասին․ ՏԵՍԱՆՅՈՒԹ
Քաղաքականություն
14.01.2025 | 14:46
Մենք կասկած չունենք, որ հայ և ռուս ժողովուրդները բարեկամ, եղբայրական ժողովուրդներ են, տարեկան ամփոփիչ մամլո ասուլիսում հայտարարել է ՌԴ ԱԳ նախարար Սերգեյ Լավրովը։
«Փոխադարձ հարաբերությունները, ի վերջո, միշտ հիմնված կլինեն բարեկամության այս փոխադարձ զգացմունքների վրա: Ինչ վերաբերում է պաշտոնական մակարդակով այսօրվա հարաբերություններին, ապա դրանք պարզ չեն»,- ասել է Լավրովը։
Մեկնաբանելով Եվրամիությանը Հայաստանի անդամակցության գործընթացն սկսելու մասին օրենքի նախագծի վերաբերյալ ՀՀ կառավարության դրական դիրքորոշմանը՝ Լավրովը հիշեցրել է ՌԴ փոխվարչապետ Ալեքսեյ Օվերչուկի հայտարարությունը.
«Դրանք երկու տարբեր ազատ առևտրի գոտիներ են, տուրքերի և մաքսատուրքերի նվազեցման կամ վերացման երկու տարբեր համակարգեր, որոնք չեն համընկնում»,- ասել է Լավրովը՝ նշելով, որ ՀՀ լեգիտիմ իշխանության ինքնիշխան իրավունքն է՝ սկսել ցանկացած միջազգային կառույցին միանալու գործընթաց։
Մանրամասները՝ տեսանյութում։
Տաթև Ֆռանգյան
