25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Մեր խնդիրն է՝ մինչև ընտրություններ ունենալ նոր Սահմանադրության տեքստ․ Սրբուհի Գալյան
Քաղաքականություն
14.01.2025 | 12:55
«Մեր խնդիրն է՝ մինչև ընտրություններ ունենալ նոր Սահմանադրության տեքստ, և մենք մեր աշխատանքները պետք է տանենք հենց այդ ուղղությամբ»,- այս մասին տարեկան ամփոփիչ ասուլիսի ժամանակ հայտարարեց արդարադատության նախարար Սրբուհի Գալյանը։ Նախարարն ասաց, որ իրենց աշխատանքներն այդ ուղղությամբ պետք է իրականացնեն։
Լրագրողը դիտարկում արեց, թե նոր սահմանադրությունը գրվում է այլ երկրի՝ Ադրբեջանի հայտարարությունների հիման վրա։ Գալյանը դա անտեղի հայտարարություն որակեց։
«Ո՛չ ուղղակի, ո՛չ անուղղակի կապ սահմանադրության նոր տեքստի և այլ երկրների հայտարարությունների հետ չկա և չի կարող լինել»,- ասաց նա։ Ըստ նախարարի՝ խաղաղության օրակարգին առնչվող հարցերի հետ կապված Սահամանադրության մեջ փոփոխություն անելու որևէ անհրաժեշտություն չկա, դրա մասին ասել է նաև ՍԴ-ն։
Գալյանը նաև նշեց, որ նոր Սահմանադրություն ունենալու հետ կապված հարցը սկսել է քննարկվել հեղափոխությունից հետո։
«Այդ աշխատանքներն ուղղակի ինչ-ինչ պատճառով չեն հանգել տրամաբանական վերջնարդյունքին։ Ես, որպես նոր նախարար, կարծում եմ, որ պետք է ստանձնեմ պարտականություն և պատասխանատվություն՝ ի վերջո մշակել նոր Սահմանադրության նախագիծ, որին հավանություն տալու կամ չտալու որոշումը ժողովրդինն է, որովհետև նոր սահմանադրություն կարող է ընդունվել միայն հանրաքվեով»,- հայտարարեց նախարարը։
Մանրամասները՝ տեսանյութում։
