Քաղաքականություն
23.09.2018 | 14:46
Իրանի արևմուտքում գտնվող Ահվազ քաղաքում անցկացվող ամենամյա ռազմական զորահանդեսի ժամանակ կրակոցներ են հնչել։ Տեղական լրատվամիջոցները հայտնում են, որ վիրավորների թիվը հասնում է 53-ի․ իսկ զոհերինը՝ 25-ի. տեղեկացնում է usatoday.com-ը:
Ըստ Իրանի ուսանողական լրատվական գործակալության վարկածի՝ հարձակումը չորս զինված անձանց կողմից է իրականացվել։ Այդուհանդերձ, «Ֆարս» լրատվական գործակալությունը, որը մոտ է Իսլամական հեղափոխական պահակախմբին, նշում է, որ կրակողները երկուսն են եղել՝ մոտոցիկլետով ու զինվորական համազգեստ հիշեցնող հագուստով։
Իրանի արտաքին գործերի նախարար Մուհամեդ Ջավադ Զարիֆը հարձակման մեջ հարևան երկրներին և նրանց «ամերիկյան ղեկավարներին» է մեղադրում, որոնք տարածաշրջանում մեծացնում են լարվածությունը։
