06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
Սիրիան Թուրքիայից և Կատարից երկու «լողացող» էլեկտրակայան կստանա
Քաղաքականություն
07.01.2025 | 22:39
Սիրիան Թուրքիայից և Կատարից կստանա երկու «լողացող» էլեկտրակայան՝ 800 մեգավատտ հզորությամբ, ինչը համարժեք է երկրում ներկայում արտադրվող էլեկտրաէներգիայի կեսին, գրում է The National-ը։
«Ներկայում աշխատանքներ են տարվում էլեկտրահաղորդման գծերի ապահովման ուղղությամբ, որպեսզի էլեկտրաէներգիա ստանան երկու նավերի տեղամասից, և էլեկտրահաղորդման գծերը կտարածվեն դրանցից մինչև մոտակա տրանսֆորմատորային կայան՝ էլեկտրացանցին միանալու համար»,- ասել է Սիրիայի էլեկտրաէներգիայի փոխանցման և բաշխման գլխավոր վարչության գլխավոր տնօրեն Հալեդ Աբու Դայը։
Նա նշել է, որ Բաշար Ասադի ռեժիմի ժամանակ էլեկտրակայանների, տրանսֆորմատորների և էլեկտրահաղորդման գծերի վնասների չափը մեծ է:
«Մենք ձգտում ենք վերականգնել էլեկտրակայաններն ու էլեկտրահաղորդման գծերը, որպեսզի ցանցը կարողանա էներգիա փոխանցել»,- ասել է պաշտոնյան։
Նա չի նշել, թե երբ են ժամանելու երկու նավերը:
Հավելենք, որ ԱՄՆ-ը ժամանակավորապես մեղմացրել է պատժամիջոցները Սիրիայում կառավարական կառույցների հետ գործարքների համար Բաշար Ասադի կառավարման ավարտից հետո՝ մարդասիրական օգնության հոսքն ապահովելու համար։
Թարգմանությունը՝ Էմմա Չոբանյանի
