20.02.2026 | 22:49
Ինչպես մանկուց զարգացնել ֆինանսական գրագիտություն․ Ամերիաբանկի նոր նախաձեռնությունը․ ՏԵՍԱՆՅՈւԹ
Ուկրաինայի զինված ուժերը հերքում են Կուրախովայի ամբողջական կորուստը
Քաղաքականություն
06.01.2025 | 21:20
Ուկրաինական բանակի «Խորտիցա» ուժերի օպերատիվ-ռազմավարական խմբի հրամանատարությունը, չնայած երկու կողմերի տարբեր աղբյուրների տվյալների, հերքում է, որ ռուսական բանակն ամբողջությամբ օկուպացրել է Կուրախովո քաղաքը՝ պնդելով, որ մարտերը դեռ շարունակվում են,փոխանցում է BBC-ի ռուսական ծառայությունը։
«Հակառակորդը գրոհային գործողություններ է իրականացնում Կուրախովո քաղաքի, Պետրոպավլովկայի և Դաչնոյեի ուղղությամբ։
Շարունակվում են ջանքերը՝ հայտնաբերելու և ոչնչացնելու թշնամու գրոհային խմբերը, որոնք փորձում են ներթափանցել մեր մարտական կազմավորումներ», – ասված է «Խորտիցա»-յի հայտարարության մեջ:
Ռուսաստանի պաշտպանության նախարարությունը երկուշաբթի հայտարարել է Կուրախովո քաղաքի ամբողջական գրավման մասին։ Ուկրաինական DeepState նախագծի քարտեզի վրա միայն Կուրախովոյի արևմուտքում գտնվող արդյունաբերական գոտին է մասամբ մնում «գորշ գոտում», մնացածը գտնվում է ռուսների վերահսկողության տակ։ Կուրախովոյի մերձակայքում մարտերը շարունակվում են երկու ամիս՝ նոյեմբերի սկզբից։
Թարգմանությունը՝ Տաթև Ֆռանգյանի
