15.12.2025 | 21:26
Հայաստանի մի շարք հասցեներում էլեկտրաէներգիայի անջատումներ կլինեն
Ֆրանսիայում Ամանորի գիշերը 984 մեքենա են այրել
Քաղաքականություն
02.01.2025 | 16:12
Ֆրանսիայում Ամանորի գիշերը գրեթե հազար մեքենա է հրկիզվել, ոստիկանությունը բերման է ենթարկել 420 մարդու, իսկ 310 օրինախախտ գտնվում է կալանքի տակ։ Այս մասին հայտնում է BFMTV հեռուստաալիքը։
Ֆրանսիայի ՆԳՆ-ն հունվարի 1-ի առավոտյան հայտնել է 984 այրված մեքենայի մասին։
Գերատեսչության ղեկավար Բրունո Ռետայլոն պարզաբանել է, որ միջադեպերի մեծ մասը կապված է հրավառության արձակման հետ։ Կան նաև տուժածներ:
Լիոնում մանկասայլակի վրա հրավառության ընկնելու հետևանքով երկու տարեկան աղջիկը վնասվածքներ է ստացել դեմքի և աչքերի շրջանում։
Եվս մեկ մարդ ծայրահեղ ծանր վիճակում հոսպիտալացվել է հրավառության հետ կապված դեպքից հետո։ Հեռուստաալիքն այս միջադեպից մանրամասներ չի հայտնել։
Ոստիկանությունն իր հերթին հայտնել է, որ Փարիզում և արվարձաններում տոնական օրերին կարգուկանոն պահպանելու համար գործի կդրվեն մոտ 10 հազար իրավապահներ։
Ընդհանուր առմամբ, ամանորյա տոներին Ֆրանսիայում աշխատում են անվտանգության տարբեր գերատեսչությունների 90 հազար ներկայացուցիչներ։ Ռետայոն կոչ է արել տեղի իշխանություններին և անվտանգության ուժերին զգոն լինել՝ հաշվի առնելով ահաբեկչական սպառնալիքի շարունակական բարձր մակարդակը:
Թարգմանությունը՝ Տաթև Ֆռանգյանի
