16.02.2026 | 16:59
Պայթյուն Թալինի բենզալցակայաններից մեկում․ այրվում են պահեստային բաքերը և մեկ բեռնատար ավտոմեքենա
Նոր Օռլեանում մեքենան մխրճվել է ամբոխի մեջ. 10 մարդ է մահացել
Քաղաքականություն
01.01.2025 | 17:18
ԱՄՆ Նոր Օռլեանում Ամանորի գիշերը մեքենան մխրճվել է քաղաքի կենտրոնում մարդկանց ամբոխի մեջ: Այս մասին հայտնում է CNN-ը, որին վկայակոչում է Meduza-ն։
Միջադեպը տեղի է ունեցել Բուրբոն փողոցում, որը քաղաքի ամենահայտնի տուրիստական վայրերից է։ Այստեղ են գտնվում մեծ թվով բարեր, ռեստորաններ և գիշերային ակումբներ։ Հարձակման պահին բոլորը լցված են եղել:
Քաղաքային արտակարգ ծառայությունների նախնական տվյալներով՝ 10 մարդ մահացել է, ևս 30-ը՝ հոսպիտալացվել։
Ականատեսները պատմել են CBS News-ին, որ մեքենայի վարորդը, մխրճվելով ամբոխի մեջ, դուրս է եկել մեքենայից և կրակ բացել մարդկանց ուղղությամբ։
Ի պատասխան՝ ոստիկանությունը կրակ է բացել։ Պարզ չէ՝ վարորդը բերմա՞ն է ենթարկվել, թե՞ սպանվել է։
Թարգմանությունը՝ Էմմա Չոբանյանի
