08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Քննարկվել են ՀՀ-ի և Ալեքսանդրիայի նահանգի միջև առևտրատնտեսական հարաբերությունների ընդլայնման հարցեր
Քաղաքականություն
30.12.2024 | 22:48
Ալեքսանդրիայի նահանգ աշխատանքային այցելության շրջանակներում Եգիպտոսում ՀՀ դեսպան Արմեն Սարգսյանը դեկտեմբերի 28-ին հանդիպում է ունեցել Ալեքսանդրիայի առևտրի պալատի նախագահ Ահմադ Վաքիլի հետ: Հանդիպմանը մասնակցել է շուրջ 15 գործարար: Այս մասին տեղեկացնում են Եգիպտոսում ՀՀ դեսպանությունից։
Քննարկվել են Հայաստանի և Ալեքսանդրիայի նահանգի միջև առևտրատնտեսական հարաբերությունների ընդլայնմանն ու խորացմանը վերաբերող հարցեր՝ հաշվի առնելով Ալեքսանդրիայի լոգիստիկ հնարավորությունները: Պայմանավորվածություն է կայացել ակտիվացնելու գործարար շրջանակների միջև շփումներն ու պատվիրակությունների փոխայցելությունները՝ տնտեսական զարգացման ծրագրեր քննարկելու նպատակով:
Դեկտեմբերի 29-ին Արմեն Սարգսյանը հանդիպել է Ալեքսանդրիայի նահանգապետ Ահմադ Խալեդ Հասան Սայիդի հետ:
Կողմերը բարձր են գնահատել հայ-եգիպտական երկկողմ հարաբերությունների մակարդակն ու անդրադարձ կատարել մշակութային և միջմարզային համագործակցության ընդլայնման հնարավորություններին:
Հանդիպման ավարտին Եգիպտոսում ՀՀ դեսպանը ներկայացրել է առևտրի պալատում կայացած հանդիպման արդյունքները:
Աշխատանքային այցելության ավարտին Արմեն Սարգսյանն այցելել է Ալեքսանդրիայի գրադարան և «Անարատ հղիության» Հայ կաթողիկե եկեղեցի, մասնակցել Ալեքսանդրիայի «Պողոս-Պետրոս» Հայ առաքելական եկեղեցում մատուցված պատարագին:
