25.08.2026 | 14:30
Ինչու էին խուզարկում Լևոն Քոչարյանի տունը և ինչ տարան․ ՏԵՍԱՆՅՈՒԹ
Ամանորին ձյուն չի գա, հունվարը տաք կլինի. Գագիկ Սուրենյան․ ՏԵՍԱՆՅՈՒԹ
30.12.2024 | 12:21
Հունվարը բավականին տաք կլինի, այս մասին մամուլի ասուլիսի ժամանակ հայտնեց ՇՄՆ «ՀայՀիդրոմետ»-ՊՈԱԿ-ի տնօրենի տեղակալ Գագիկ Սուրենյանը:
«Հանրապետության ամբողջ տարածքում հունվարին ամսական միջին ջերմաստիճանը կանխատեսվում է նորմայից բարձր մոտ 3-5 աստիճանով, տեղումների քանակը՝ նորմայից պակաս»,- մանրամասնեց Սուրենյանը:
«ՀայՀիդրոմետ»-ՊՈԱԿ-ի տնօրենի տեղակալի տեղեկացմամբ՝ հատկապես հունվարի առաջին տասնօրյակում տաք օդային ալիքները բավականին շատ կլինեն: Սուրենյանի փոխանցմամբ՝ Շիրակում ցերեկային ժամերին օդի ջերմաստիճանը կբարձրանա մինչև 3-7 աստիճան, Արարատյան դաշտում կարձանագրվի 9-11 աստիճան տաքություն, իսկ Սյունիքի հովտային շրջաններում՝ մինչև 16-20 աստիճան տաքություն:
«Հունվարի առաջին տասնօրյակը կլինի բացարձակ առանց տեղումների եղանակ։ Պարզ երկնքով պայմանավորված` գիշերային ժամերին երկրի ամբողջ տարածքում կունենանք բացասական ջերմաստիճան, բայց ցերեկային ժամերին նույնիսկ լեռնային շրջաններում կգրանցվի դրական ջերմաստիճան։ Մայրաքաղաքում գիշերային ժամերին հունվարի առաջին տասնօրյակում կգրանցվի -2-4 աստիճան, իսկ ցերեկային ժամերին՝ 6-8 աստիճան տաքություն»,- ասաց Գագիկ Սուրենյանը:
Նրա խոսքով՝ առանձին օրերի հանրապետությունում կգրանցվի նաև բացասական ջերմաստիճան:
Ամփոփելով՝ Սուրենյանը նշեց, որ դեկտեմբերը եղել է տաք, իսկ տեղումները՝ սակավ:
