16.12.2025 | 15:45
Աբովյանի եկեղեցու հետնամասում զենք-զինամթերք է հայտնաբերվել
Ադրբեջանական օդանավի կործանման պատճառը ռուսական հրթիռն է եղել․ Euronews
Քաղաքականություն
26.12.2024 | 17:24
Ադրբեջանի կառավարության աղբյուրը Euronews-ին հայտնել է, որ «Ադրբեջանի ավիաուղիների» օդանավի կործանման պատճառը եղել է ռուսական «երկիր-օդ» հրթիռը։ Աղբյուրը լրատվամիջոցին պատմել է, որ վնասված ինքնաթիռին թույլ չեն տվել վայրէջք կատարել ռուսական օդանավակայաններում։
Նախաքննության տվյալները հաստատել են, որ Գրոզնիի վրայով ռուսական հրթիռն Ակտաուում ողբերգության պատճառ է դարձել։ Աղբյուրները հայտնել են, որ հրթիռն արձակվել է Գրոզնիի վրայով 8432 չվերթի ուղղությամբ, և դրա բեկորները հարվածել են ուղևորներին և անձնակազմի անդամներին՝ թռիչքի ժամանակ պայթելով ինքնաթիռի մոտ։
Ադրբեջանի կառավարության աղբյուրները լրատվամիջոցին նաև հայտնել են, որ վնասված ինքնաթիռին թույլ չեն տվել վայրէջք կատարել ռուսական օդանավակայաններում՝ չնայած վթարային վայրէջքի մասին օդաչուների խնդրանքին։ Նրանց հրահանգվել է թռչել Կասպից ծովով դեպի Ղազախստանի Ակտաուի ուղղությամբ։
Ստացված տվյալների համաձայն՝ օդանավի GPS նավիգացիոն համակարգերը խլացված են եղել ծովի վրայով թռիչքի ամբողջ ընթացքում։
Թարգմանությունը՝ Էմմա Չոբանյանի
