Սիրիայում Սուրբ Ծննդյան տոնածառի հրկիզումից հետո բողոքի ցույցեր են սկսվել

Սիրիայում բողոքի ցույցեր են սկսվել Համա քաղաքի մոտ տոնածառը հրկիզելու պատճառով։ Սոցցանցերում հրապարակված տեսանյութում երևում է, թե ինչպես են դիմակավորված զինված անձինք հրկիզում ծառը, որը տեղադրված է Սիրիայի կենտրոնական Սուքայլաբիահ քաղաքի գլխավոր հրապարակում, որտեղ մեծամասնություն կազմում են քրիստոնյաները, գրում է BBC-ն։

Հիմնական իսլամիստական ​​խմբակցությունը, որը գլխավորել է նախագահ Բաշար Ասադին տապալած ապստամբությունը, ասել է, որ հրկիզման համար պատասխանատու անձինք օտարերկրյա զինյալներ են և ձերբակալվել են, և որ ծառն արագորեն կվերանորոգվի:

Հազարավոր ցուցարարներ ամբողջ երկրում դուրս են եկել փողոցներ՝ պահանջելով նոր իսլամիստ ղեկավարներից պաշտպանել կրոնական փոքրամասնություններին:

Դամասկոսի Բաբ Թումա թաղամասում ցուցարարները կրել են խաչ և սիրիական դրոշներ՝ վանկարկելով «մեր հոգիները կզոհաբերենք մեզ համար»։

«Եթե մեզ թույլ չեն տա ապրել մեր քրիստոնեական հավատքին համապատասխան մեր երկրում, ինչպես նախկինում, ապա մենք այլևս այստեղ տեղ չունենք»,- AFP-ին ասել է Ժորժ անունով ցուցարարը:

Սիրիայում ապրում են բազմաթիվ էթնիկ և կրոնական խմբեր, այդ թվում՝ հայեր, ասորիներ, տարբեր հարանվանության քրիստոնյաներ, քրդեր, դրուզներ, ալևի շիաներ և արաբ սուննիներ։ Վերջինները կազմում են մահմեդական բնակչության մեծամասնությունը:

Թարգմանությունը՝ Էմմա Չոբանյանի