20.12.2024 | 23:24
Վրաստանում բողոքի ցույցերին մասնակցած երկու ռուսաստանցի է ձերբակալվել. նրանք մեղադրվում են թմրանյութ պահելու մեջ
Խուդաթյանը Շիրակի մարզպետի աշխատակազմին է ներկայացրել Շիրակի նորանշանակ մարզպետ Դավիթ Առուշանյանին
20.12.2024 | 14:25
Նախարարը շնորհակալություն է հայտնել Մուշեղ Մուրադյանին այս ընթացքում կատարած աշխատանքի համար և հաջողություններ մաղթել հետագա աշխատանքում․ տեղեկացնում են ՏԿԵՆ-ից։
Խուդաթյանը շնորհավորել է Դավիթ Առուշանյանին պաշտոնի ստանձնման կապակցությամբ և վստահություն հայտնել, որ կարճ ժամանակում նա կկարողանա լուծել այն խնդիրները, որոնք դրվել են ՀՀ կառավարության և Շիրակի մարզի ժողովրդի կողմից։
Նախարարն ընդգծել է, որ մեծ ծավալի աշխատանք կա անելու և վստահություն հայտնել, որ ջանք գործադրելու արդյունքում հնարավոր կլինի լավ ցուցանիշներ ապահովել։
Մուշեղ Մուրադյանը նույնպես շնորհավորել է Դավիթ Առուշանյանին մարզպետի պաշտոնում նշանակվելու կապակցությամբ և շնորհակալություն է հայտնել աշխատակազմին համատեղ արդյունավետ աշխատանքի համար։
Դավիթ Առուշանյանն էլ իր հերթին է հայտնել այս բարդ ու պատասխանատու պաշտոնն իրեն վստահելու համար, նշել , որ մարզի և բնակիչների բոլոր խնդիրները լսելի կլինեն և դրանց կտրվեն անհրաժեշտ լուծումներ։
