20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Ուկրաինայից արձագանքել են բանակցելու պատրաստակամության մասին Պուտինի հայտարարություններին
Քաղաքականություն
19.12.2024 | 20:46
Ուկրաինայի Գերագույն ռադայի նախագահ Ռուսլան Ստեֆանչուկը հայտարարել է, որ Ուկրաինան պատրաստ է Ռուսաստանի հետ բանակցել իր պայմաններով, փոխանցում է censor.net-ը։
«Իմ դիրքորոշումը չի փոխվել։ Այս պատերազմում ագրեսորը Ռուսաստանի Դաշնությունն է, իսկ զոհը՝ Ուկրաինան։ Ուկրաինայի պայմանները, որպես այս ագրեսիայի զոհ, պետք է լինեն այն պայմանները, որոնց վրա մենք պատրաստ ենք խաղաղություն կնքել», – ասել է Ստեֆանչուկը։
Այսպես նա մեկնաբանել է ՌԴ նախագահ Վլադիմիր Պուտինի այսօրվա հայտարարությանը, թե Ռուսաստանը պատրաստ է բանակցությունների ու փոխզիջումների, ինչպես նաև պայմաններ չունի բանակցություններ սկսելու համար, բայց դրանք պետք է ընթանան համաձայնագրերի նախագծերի հիման վրա, որոնք պատրաստվել են Ստամբուլում պատերազմի առաջին շաբաթներին։ Պուտինը նաև հայտարարել է, որ համաձայնագիրը կարող է ստորագրվել միայն «օրինական» կառավարության հետ, և ինքը Ուկրաինայի նախագահ Վլադիմիր Զելենսկիին լեգիտիմ չի համարում և կխոսի նրա հետ, եթե նա առաջադրի իր թեկնածությունը և ձեռք բերի լեգիտիմություն, ասել է Պուտինը։
Թարգմանությունը՝ Տաթև Ֆռանգյանի
