14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հաստատվել է Սարիկ Մինասյանի ՔՊ-ական դառնալու դիմումը
Քաղաքականություն
18.12.2024 | 21:39
Գյումրիի քաղաքապետի ժամանակավոր պաշտոնակատար Սարիկ Մինասյանը պաշտոնապես համալրել է Նիկոլ Փաշինյանի ղեկավարած Քաղաքացիական պայմանագիր կուսակցության շարքերը։ Այս մասին Factor.am-ի հարցին ի պատասխան ասաց ՔՊԿ վարչության փոխնախագահ Վահագն Ալեքսանյանը։
Հինգ օր առաջ հայտնի դարձավ, որ Մինասյանը դիմում է ներկայացրել իշխող ուժին անդամագրվելու համար։ Այսինքն՝ այն նույն օրը, երբ Փաշինյանը նրան նշանակեց Գյումրիի քաղաքապետի պաշտոնակատար։ Նա, հավանաբար, կգլխավորի նաև ընտրական ցուցակը հիմնական ընտրությունների ժամանակ։
Հիշեցնենք՝ Սարիկ Մինասյանը քաղաքապետի պաշտոնակատար նշանակվեց ՔՊԿ-ի կողմից Գյումրիում անցկացված փրայմերիզի շրջանակներում։
Նարեկ Կիրակոսյան
