08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Գևորգ Մանթաշյանն ընդունել է Հունաստանի ԱԳ փոխնախարարին
Քաղաքականություն
18.12.2024 | 15:47
ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը դեկտեմբերի 16-ին ընդունել է Երևանում կայացած Հայ-հունական տնտեսական, արդյունաբերական և գիտատեխնիկական համագործակցության միջկառավարական համատեղ հանձնաժողովի հերթական 6-րդ նիստի շրջանակներում Հունաստանի Հանրապետության արտաքին գործերի նախարարի տեղակալ, հայ-հունական միջկառավարական համատեղ հանձնաժողովի համանախագահ Կոնստանտինոս Ֆրագկոյանիսի գլխավորած պատվիրակությանը, որի կազմում էր նաև ՀՀ-ում Հունաստանի Հանրապետության արտակարգ և լիազոր դեսպան Խրիստոս Սոֆիանոպուլոսը․ տեղեկացնում են գերատեսչությունից։
Մանթաշյանը բարձր գնահատելով հայ-հունական բարեկամական հարաբերությունները՝ ներկայացրել է նախարարության գործունեությունը, ոլորտի զարգացմանն ուղղված լայնածավալ ծրագրերն ու գրանցած հաջողություններն, անդրադարձել է նախարարության առջև դրված այլ խնդիրների և նպատակների իրականացման ուղղությամբ տարվող աշխատանքներին:
Հանձնաժողովի համանախագահն իր հերթին կիսվել է Հայաստանում ոլորտի զարգացման դինամիկայի իր տպավորություններով՝ ներկայացրել է իր երկրի՝ ոլորտի զարգացմանը միտված ծրագրերն ու անելիքներն, ինչպես նաև ձեռքբերումները՝ շեշտելով, որ լիահույս է՝ Հայաստանի հետ համատեղ անելիքներ շատ կան:
Այդ համատեքստում կողմերն անդրադարձել են համատեղ իրականացվող ծրագրերին, քննարկել են փոխադարձ հետաքրքրություն ներկայացնող մի շարք հարցեր:
Պայմանավորվածություններ են ձեռք բերվել փոխշահավետ համագործակցության խորացման հետագա անելիքների և քայլերի ուղղությամբ:
