25.06.2026 | 10:18
NYMEX. Թանկարժեք մետաղների գները նվազել են
ԿԺԴՀ զինվորներն արդեն կռվում են Կուրսկի մարզում և 2 ժամում գյուղ են գրավել․ ռուս ռազմական թղթակիցներ
Քաղաքականություն
13.12.2024 | 21:14
Հյուսիսային Կորեայից զինվորները գրավել են Կուրսկի շրջանի Պլեխովո գյուղը։ Այս մասին հայտնել են մի քանի ռուս ռազմական թղթակիցներ։ Նրանցից Վլադիմիր Ռոմանովը պնդում է, որ գյուղը գրավել են «բացառապես հյուսիսկորեական հատուկ ջոկատայինները»։
«2 ժամում անցան փոթորկի պես»,- գրել է նա։
Ըստ Ռոմանովի՝ Ուկրաինայի զինված ուժերը կորցրել են ավելի քան 300 զինվոր։
«Դեկտեմբերի 6-ին Կուրսկի ուղղությամբ Պլեխովոն իսկապես գրավվել է Կորեայի հատուկ նշանակության ջոկատի զինվորների կողմից։ 2 կմ անցել են ականապատ դաշտով և կայծակնային արագությամբ ներխուժել գյուղ»,- հայտնել է մեկ այլ ռազմական թղթակից՝ Յուրի Կոտենոկը։
Նա նշում է, որ «գործողությունը տևել է մոտ 2,5 ժամ», և որ հյուսիսկորեացիները «իրենց հետ տարել են մահացածներին ու վիրավորներին»։
DW-ի ռուսական ծառայությունը նշում է, որ ռուսական կողմից այս հաղորդագրությունների պաշտոնական հաստատում չկա։ Այս իրադարձությունների վերաբերյալ մեկնաբանություններ չկան նաև Կիևից։
Դեկտեմբերի 10-ին ուկրաինական DeepState նախագծի վերլուծաբանները զեկուցել են Պլեխովոյի մոտ ռուսական զինված ուժերի առաջխաղացման մասին։
Թարգմանությունը՝ Տաթև Ֆռանգյանի
