07.10.2026 | 18:03
ԵՄ դեսպանները համաձայնեցրել են ՌԴ-ի դեմ պատժամիջոցների նոր՝ ռեկորդային ցուցակը
Անկարայում ընթացող Բլինքեն-Ֆիդան բանակցությունների օրակարգում են նաև Հայաստան-Ադրբեջան զարգացումները․ ՏԵՍԱՆՅՈՒԹ
Քաղաքականություն
13.12.2024 | 13:15
Անկարայում մեկնարկած ԱՄՆ պետքարտուղար Էնթոնի Բլինքենի և Թուրքիայի արտգործնախարար Հաքան Ֆիդանի հանդիպման օրակարգային գլխավոր հարցը լինելու է Սիրիայի վերջին զարգացումները, գրում է Անադոլու գործակալությունը։
Ակնկալվում է, որ Ֆիդանը Բլինքենին կփոխանցի ուղերձ, որ Սիրիայի տարածքային ամբողջականությունն ու միասնությունը պետք է պահպանվի, անցումային գործընթաց պետք է լինի, որում դերակատարում կունենա նաև միջազգային հանրությունը։
Ֆիդանը նաև կընդգծի, որ «PKK/YPG և ԻԼԻՊ ահաբեկչական կազմակերպություններին չպետք է թույլ տալ օգտվել ներկա իրավիճակից»։ Հանդիպման օրակարգում կլինեն նաև Իսրայելի հարձակումները Գազայի և Լիբանանի վրա, կփոխանցվի Գազայում հրադադար հաստատելու և հումանիտար աղետի պայմաններում մշտական ու կոնկրետ լուծումներ գտնելու անհրաժեշտությունը։
Սպասվում է, որ Ֆիդան-Բլինքեն հանդիպմանը քննարկվելու են Ռուսաստան-Ուկրաինա պատերազմը, Ադրբեջանի և Հայաստանի կարգավորման գործընթացի ներկա իրավիճակը։
Մինչ այս, Բլինքենը հանդիպել էր նաև Թուրքիայի նախագահ Ռեջեփ Թայիփ Էրդողանին։
Թարգմանությունը՝ Էմմա Չոբանյանի
