30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Այսօր Թբիլիսիում մեկ տասնյակից ավելի բողոքի ակցիաներ են նախատեսված
Քաղաքականություն
13.12.2024 | 13:44
Թբիլիսիում այսօր նախատեսված են մեկ տասնյակից ավելի բողոքի ակցիաներ։ Ամբողջ օրը Վրաստանի մայրաքաղաքի փողոցներով երթ կանցկացնեն բժիշկներ, երաժիշտներ, ֆինանսիստներ և այլ ոլորտների ներկայացուցիչներ։ Ակցիաների մասին հայտարարվել է Facebook-ում։
Բողոքի ակցիաներ տեղի կունենան նաև Վրաստանի այլ քաղաքներում։ Առանձնահատուկ նշվում է Բաթումի նավաստիների հանրահավաքը, որոնք հավաքվելու են երեկոյան 19:00-ին քաղաքի կենտրոնում գտնվող Եվրոպայի հրապարակում, գրում է Գրուզիա օնլայնը։
Ցուցարարների հիմնական պահանջները մնում են նոր խորհրդարանական ընտրությունները և նախկինում կալանավորված ցուցարարների ազատ արձակումը։
Վրաստանում արդեն 15-րդ օրն է՝ չեն դադարում լայնամասշտաբ եվրոպամետ ցույցերը։ Քաղաքացիները փողոց են դուրս եկել՝ ի պատասխան Եվրամիությանն անդամակցելու բանակցությունները մինչև 2028 թվականը հետաձգելու՝ կառավարության որոշման։
Վերջին երկու շաբաթվա ընթացքում Թբիլիսիում ավելի քան 400 մարդ է ձերբակալվել։ Նրանցից մոտ երեք տասնյակի դեմ քրեական գործեր են հարուցվել։
Թարգմանությունը՝ Տաթև Ֆռանգյանի
