30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
Time-ը Դոնալդ Թրամփին «տարվա մարդ» է ճանաչել
Քաղաքականություն
12.12.2024 | 18:09
Time ամսագիրը ԱՄՆ նորընտիր նախագահ Դոնալդ Թրամփին «տարվա մարդ» է ճանաչել։ Ամսագրի գլխավոր խմբագիր Սեմ Ջեյքոբսը նշել է, որ խմբագիրներն ընտրել են Թրամփին որպես տարվա մարդ, քանի որ «նա կազմակերպել է պատմական վերադարձ, այն պատճառով, որ նա դարձել է քաղաքական վերադասավորումների շարժիչ ուժը, որը տեղի է ունենում սերնդի ընթացքում մեկ անգամ, նաև այն պատճառով, որ նա փոխել է ամերիկյան արտադրությունը և Ամերիկայի դերն աշխարհում»:
Բացի ԱՄՆ նորընտիր նախագահից՝ «տարվա մարդ» կոչմանն առաջադրվել են նաև ռուս հանգուցյալ ընդդիմադիր գործիչ Ալեքսեյ Նավալնիի այրին՝ Յուլիա Նավալնայան, ԱՄՆ փոխնախագահ Քամալա Հարիսը, գործարար Իլոն Մասկը, Իսրայելի վարչապետ Բենիամին Նեթանյահուն, Meta-ի գործադիր տնօրեն Մարկ Ցուկերբերգը և այլք։
Թրամփը Time-ի կողմից «տարվա մարդ» էր ճանաչվել նաև 2016 թվականին, երբ առաջին անգամ հաղթել էր ԱՄՆ նախագահական ընտրություններում։
Նշվում է, որ Թրամփը ծրագրում է հնչեցնել Նյու Յորքի ֆոնդային բորսայի բացման զանգը՝ նշելու ամսագրի «Տարվա մարդ» հայտարարության հրապարակումը։
Time-ը 2023 թվականին «տարվա մարդ» էր ճանաչել ամերիկացի աստղ Թեյլոր Սվիֆթին։
Թարգմանությունը՝ Տաթև Ֆռանգյանի
