16.05.2026 | 13:49
Թանգարանային գիշերը՝ Մատենադարանում․ միջոցառումների ցանկը
Բաքուն հայտարարել է, թե «Ասադի ռեժիմն Ադրբեջանի համար խնդիրներ է ստեղծել միջազգային կազմակերպություններում»
Քաղաքականություն
12.12.2024 | 14:51
Ադրբեջանը հույս ունի, որ Բաշար Ասադի ռեժիմի փլուզումից հետո Սիրիայում կապահովվի խաղաղություն և հանգստություն, Ադրբեջանի և Սիրիայի միջև կհաստատվեն բարեկամական հարաբերություններ, կզարգանան երկկողմ հարաբերությունները։ Այս մասին հայտարարել է Ադրբեջանի նախագահի օգնական Հիքմիթ Հաջիևը։
«Սիրիայի նախկին ռեժիմն Ադրբեջանի համար խնդիրներ է ստեղծել մի շարք միջազգային կազմակերպություններում։ Սիրիան վերապահումներով է հանդես եկել Ադրբեջանի տարածքային ամբողջականության հետ կապված հարցերի վերաբերյալ։ Նույնիսկ հայտարարություններ են եղել, որոնք հակասում են Իսլամական համագործակցության կազմակերպության ներսում իսլամական համերաշխությանը»,- ասել է Հաջիևը։
Հիշեցնենք, որ Սիրիայի հարցով ավելի վաղ հեռազրույց են ունեցել Ադրբեջանի նախագահ Իլհամ Ալիևն ու Թուրքիայի նախագահ Ռեջեփ Թայիփ Էրդողանը, ինչպես նաև երկու երկրների ԱԳ նախարարները։
Զրույցների ընթացքում Ադրբեջանն աջակցություն է հայտնել Սիրիայի տարածքային ամբողջականությանն ու ինքնիշխանությանը, ինչպես նաև հույս հայտնել, որ ստեղծված ճգնաժամային իրավիճակը շուտով լուծում կգտնի՝ ելնելով սիրիացի ժողովրդի շահերից և կամքից։
Էմմա Չոբանյան
