13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Բելառուսից թոշակառուն դատապարտվել է 4 տարվա ազատազրկման՝ Լուկաշենկոյին և ոստիկանին վիրավորելու համար
Քաղաքականություն
11.12.2024 | 22:21
Մինսկի շրջանային դատարանը 59-ամյա թոշակառու Աննա Ստրիժևիչին դատապարտել է չորս տարի ժամկետով ազատազրկման, հայտնում է «Գարուն» իրավապաշտպան կենտրոնը։
Կենսաթոշակառուն պետք է վճարի նաև տուգանք՝ 22 հազար բելառուսական ռուբլի կամ մոտ 6,7 հազար դոլար։
Ստրիժևիչին մեղադրանք է առաջադրվել Բելառուսի ղեկավար Ալեքսանդր Լուկաշենկոյին վիրավորելու և զրպարտելու (ՔՕ 368 և 367 հոդվածներ), ոստիկանին վիրավորելու (ՔՕ 369 հոդված), կարգի կոպիտ խախտում (ՔՕ 342 հոդված) և ծայրահեղական գործունեությանը նպաստելու համար ( Քրեական օր.-ի 361-4-րդ հոդվածի 1-ին և 2-րդ մասերով):
59-ամյա կինը Սոլիգորսկից է։ Նա կալանավորվել է 2023 թվականի դեկտեմբերի 18-ին։ Ստրիժևիչի դատավարությունն անցել է դռնփակ, նրա գործի մանրամասները հայտնի չեն։ Իրավապաշտպանները ենթադրում են, որ նրան կարող են դատել քաղբանտարկյալներին օգնելու համար. հայտնի է, որ նա ակտիվորեն նամակներ է գրել նրանց։
Թարգմանությունը՝ Տաթև Ֆռանգյանի
