30.04.2026 | 18:30
Հնդկաստանն ու Հայաստանը ռազմական տեխնիկայի համատեղ մշակում են սկսել. The Indian Express
Ասադը Ռուսաստան 135 մլրդ դոլար է տարել․ թուրքական ԶԼՄ-ներ
Քաղաքականություն
11.12.2024 | 17:03
Սիրիայում 13 տարի շարունակվող քաղաքացիական պատերազմն ավարտվեց նախագահ Բաշար Ասադի վարչակարգի փլուզմամբ։ Երբ ավարտվեց Բաաս կուսակցության 61-ամյա իշխանությունը և Ասադների ընտանիքի 54-ամյա իշխանությունը, Սիրիայում սկսվեց նոր դարաշրջան: Türkiye Gazetesi-ի հետ հարցազրույցում Բաշար Ասադի կառավարության հետախուզության նախկին աշխատակից, մայոր Հալիդ Բեյյան հայտարարել է, թե հարստությունը, որն Ասադն իր հետ տարել է Մոսկվա փախչելիս, 135 միլիարդ դոլարի է հասնում։
«Ասադների ընտանիքը տարիներ շարունակվող քաղաքացիական պատերազմի ընթացքում ժողովրդի ռեսուրսներն ուղղել է իր գրպանները: Երբ ռեժիմը փլուզվեց, նրանք իրենց հետ տարան երկրի տնտեսության մեծ մասը»,- ասել է նա։
Ըստ լրատվամիջոցի՝ այս պնդումը նաև խթանել է քննարկումներն այն մասին, որ Ասադը կարող է լինել համաշխարհային պատմության ամենահարուստ փախստականներից մեկը:
Բեյյան նաև հայտարարել է, որ մեծ հակամարտություն է եղել ռուսամետ հրամանատարների և Իրանի կողմից աջակցվող հրամանատարական կազմի միջև։ Հալեպի հրամանատար, գեներալ Մուհամմեդ Սաֆադլիի և Ռուսաստանին հավատարիմ գեներալ Սուհեյլ Հասանի միջև անգամ ծեծկռտուք է տեղի ունեցել։
Հավելենք, որ այս հարցազրույցն ակտիվորեն տարածվում է թուրքական լրատվամիջոցներում։
Թարգմանությունը՝ Էմմա Չոբանյանի
