09.09.2026 | 11:42
Ծովինար Վարդանյանը՝ ԱԺ ֆինանսավարկային և բյուջետային հարցերի մշտական հանձնաժողովի փոխնախագահ
Քենթի արքայազն Մայքլ Ջորջ Չարլզ Ֆրանկլինն ընդունել է նախարար Մկրտչյանի՝ Հայաստան այցելելու հրավերը
Քաղաքականություն
09.12.2024 | 10:37
Մեծ Բրիտանիայի և Հյուսիսային Իռլանդիայի Միացյալ Թագավորություն կատարած աշխատանքային այցի շրջանակում Աշխատանքի և սոցիալական հարցերի նախարար Նարեկ Մկրտչյանը հանդիպում է ունեցել Քենթի արքայազն Մայքլ Ջորջ Չարլզ Ֆրանկլինի հետ։
«Հանդիպման ընթացքում քննարկվել են հետագա համագործակցության ուղղությունները, անդրադարձ է կատարվել նաև 2023 թ․ ստորագրված եռամյա հուշագրի դրույթներին։ Կողմերը դիտարկել են նաև Հայաստանում նախատեսվող երեխաների խնամատարության տարածաշրջանային երկրորդ համաժողովի կազմակերպման հնարավորությունները»,- ասված է ԱՍՀ նախարարության տարածած հաղորդագրությունում։
Երեխաների խնամատարության ինստիտուտի հանրահռչակման և զարգացման համար արքայազն Մայքլը նախարար Նարեկ Մկրտչյանին առաջարկել է հանդես գալ համատեղ նախաձեռնություններով նաև Մերձավոր Արևելքի և Ծոցի երկրներում։
Հանդիպման ավարտին արքայազն Մայքլն ընդունել է նախարար Մկրտչյանի հրավերը՝ Հայաստան այցելելու վերաբերյալ։
Հիշեցնենք, որ Քենսինգթոնյան պալատում նախորդ տարի ստորագրվել էր համագործակցության հուշագիր՝ երեխաների իրավունքների պաշտպանության ոլորտում համագործակցության ընդլայնման և խնամատարության ինստիտուտի զարգացման նպատակով։
