24.02.2026 | 17:28
ՊՍԺ-ի ֆուտբոլիստը դատարանի առջև կկանգնի բռնաբարության գործով
Սա ընտրություն չէ գործող վարչապետի և նախկին նախագահի միջև. Րաֆֆի Հովհաննիսյան. ՏԵՍԱՆՅՈՒԹ
Քաղաքականություն
20.09.2018 | 13:38
Սա ընտրություն չէ գործող վարչապետի և նախորդ նախագահի միջև, սա ընտրապայքար է, ընտրություն է Երևանի քաղաքապետի և ավագանու: Այս մասին այսօր՝ սեպտեմբերի 20-ին լրագրողների հետ հանդիպմանը հայտարարեց «Ժառանգություն» կուսակցության քաղաքապետի թեկնածու Րաֆֆի Հովհաննիսյանը:
«Սա ընտրապայքար է, ընտրություն է՝ Երևանի քաղաքապետի և ավագանու, որովհետև այն լուծումը, հանգուցալուծումը, որը կորոշվի երևանցիների մեծամասնության կողմից, կլինի մեր մայրաքաղաքի, համայն հայության մայրաքաղաքի իշխանությունն առաջիկա տարիների ընթացքում»,- ասաց նա:
Հովհաննիսյանի խոսքով՝ քարոզարշավի շրջանակում հանդիպումների ժամանակ ներկայացրել են Երևանի քաղաքացիական, վերկուսակցական կառավարման իրենց ծրագիրն ու տեսլականը:
«Հույս ենք տածում, որ երեք օր անց՝ սեպտեմբերի 23-ին, վերջապես երևանցին իր գիտակից որոշմամբ հանրային ծառայության կբերի այն թիմերին, որոնք հետո իրական սիրո, համագործակցության, համերաշխության մթնոլորտում կդառնան Երևանի հիմնական հանրային ծառայողները: Մենք լավատես ենք, կոչ ենք անում մեր բոլոր համաքաղաքացիներին գնալ ընտրությունների և խղճի մտոք ընտրել ավագանու անդամներին, որովհետև դրանից է կախված Երևան քաղաքի իշխանությունների լեգիտիմությունը»,- ասաց քաղաքապետի թեկնածուն:
Րաֆֆի Հովհաննիսյանը տեղեկացրեց նաև, որ ահազանգեր են ստանում տարբեր ընտրախախտումների մասին, բոլորի մասին տեղեկացնում են պատկան մարմիններին. «Հույս ունենք, որ պատկան մարմիններն իրենց գործառույթը կկատարեն և այնպես կանեն, որ եթե ոչ լիարժեք հավասար, ապա գոնե առավելագույնս մաքուր և ազատ ընտրություններ կլինեն: Սա մեծ քայլ առաջ կլինի»:
