26.05.2026 | 15:51
ԱԺ նիստն այդպես էլ չկայացավ․ քվորում չապահովվեց
Ես երեկ ուզում էի անձամբ ինչ-որ ձևով խեղդեի․ Ալեն Սիմոնյանը՝ Աղազարյանի մասին․ ՏԵՍԱՆՅՈՒԹ
Քաղաքականություն
04.12.2024 | 15:46
ԱԺ նախագահ Ալեն Սիմոնյանը մանրամասներ է հայտնել, թե ինչ արտահոսք է արել ՔՊ-ից հեռացված Հովիկ Աղազարյանը։
«Վարչապետը հաճախ է հանդիպում խմբակցության հետ, իր միջազգային հանդիպումներից, հարևան երկրի ղեկավարի հետ հանդիպումներից մանրամասներ է ներկայացնում, պարզվում է՝ այդ կոմունիկացիայի ընթացքում ինֆորմացիաներ կան, որ դուրս են եկել ու հայտնվել մամուլում»,- լրագրողների հետ զրույցում ասաց ԱԺ նախագահը։
Նա նշեց, թե ԱԺ պատգամավորները պետք է իմանան, որ իրենք իրավունք չունեն հրապարակելու գաղտնի տեղոկությունները։ ԱԺ նախագահն ասաց, թե չի ուզում մանրամասների մեջ մտնել, բայց, որքան հասկանում է, Հովիկ Աղազարյանը շփումներ է ունեցել բոլոր հնարավոր մարդկանց հետ։ Նա ասաց, թե երեկվա ՔՊ վարչության նիստի ընթացքում ինքը շոկի մեջ է եղել։
«Անկեղծ եմ ասում՝ մինչև երեկ ամեն հնարավոր ձևով փորձել եմ պարոն Աղազարյանին ինչ-որ ձևով պաշտպանել, բայց երեկ ես ուզում էի անձամբ իրեն խեղդեի»,- ասաց ԱԺ նախագահը։ Նա ասաց, որ իր համար անընդունելի է այն, որ Աղազարյանը չի զղջում իր արածի համար։
«Ընդհակառակը, ավելի ագրեսիվ էր, ավելի հակառակվում էր, իմ մոտ, և ոչ միայն, տպավորություն էր ադեկվատության հետ կապված»,- նշեց Սիմոնյանը։
Մանրամասները՝ տեսանյութում։
