26.05.2026 | 16:39
ՀՀ-ն և ԱՄՆ-ն TRIPP-ի ու հազվագյուտ օգտակար հանածոների վերաբերյալ փաստաթղթեր ստորագրեցին․ ՏԵՍԱՆՅՈՒԹ
«Պաշտոնից հեռանալու իմ ցանկությունը եղել է դեռևս մարտին, այդ մասին SMS-ով հայտնել եմ վարչապետին». Անդրեասյան
Քաղաքականություն
04.12.2024 | 14:51
«Պաշտոնից հեռանալու իմ ցանկությունը եղել է դեռևս այս տարվա մարտին: Ես այդ մասին հայտնել եմ իմ մի շարք ընկերների, գործընկերների, նաև SMS-ով այդ մասին հայտնել եմ վարչապետին»,- «Սիվիլնեթ»-ին տված հարցազրույցում ասել է ԲԴԽ նախկին նախագահ Կարեն Անդրեասյանը՝ առաջին անգամ անդրադառնալով իր հրաժարականի թեմային և նշելով, որ իր հրաժարականի պատճառը վարչապետի` մեկ SMS գրելը չի եղել։
«Այն, ինչի համար ես դիմումս գրել եմ և հրաժարվել եմ, SMS-ը չէ։ Ես ինքս չէի ցանկանա բացահայտումներ անել, եթե չլինեին ինձնից վաղ արված և ինձ հետ չճշտված զրույցները։ Ստիպված ես էլ պետք է որոշակի բացահայտումներ անեմ։ Օրինակ, թե ինչո՞ւ ես գարնանը ցանկություն ունենա հեռանալ իմ պաշտոնից։ Այդ շրջանում հանդիպեցի և՛ իշխող «Քաղաքացիական պայմանագիր» խմբակցության, և «Հայաստան» դաշինքի, այսինքն՝ ամենախոշոր ընդդիմադիր ուժի հետ: Իմ այդ հանդիպումներն ինձ բերեցին նրան, որ այն ճանապարհը, որով ես եմ պատկերացնում, որ կարող է առողջանալ դատական համակարգը, չունի աջակցություն ԱԺ-ի և ոչ մի խմբակցությունում: Հետևաբար՝ ես դեռ գարնանը հասկացա, որ կորցրել եմ ամբողջ խորհրդարանի աջակցությունը: Ինձ համար շատ կարևոր է, որ դատական իշխանությունը կարողանա ճիշտ գործել և՛ ԱԺ-ի, և՛ Կառավարության հետ»,- նշել է Կարեն Անդրեասյանը։
