23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Կրեմլը հայտարարել է, որ ՌԴ-ն շարունակում է աջակցել Ասադին
Քաղաքականություն
02.12.2024 | 16:18
Ռուսաստանը շարունակում է աջակցել Սիրիայի նախագահ Բաշար Ասադին, շփումներ է վարում Դամասկոսի հետ և վերլուծում իրավիճակն այդ երկրում։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Իհարկե, մենք շարունակում ենք աջակցել Բաշար Ասադին և, համապատասխանաբար, շարունակում ենք մեր շփումները և վերլուծում իրավիճակը»,- ասել է Պեսկովը՝ նշելով, որ դիրքորոշում է ձևավորվելու նրա մասով, թե ինչ է անհրաժեշտ՝ իրավիճակը կայունացնելու համար։
Հիշեցնենք, որ Թուրքիայի աջակցությունը վայելող սիրիական ընդդիմադիր զինյալների դաշինքը, որը գլխավորում է իսլամիստական «Հայաթ Թահրիր ալ-Շամ»-ը (HTS), գրավել է Հալեպ քաղաքը։ Սիրիայի նախագահ Բաշար Ասադն իր հերթին հայտարարել է հակահարձակման մեկնարկի մասին՝ դաշնակիցների աջակցությամբ օդային հարվածներ հասցնելով։
Թուրքական լրատվամիջոցներն էլ հայտնում են, որ շարունակվում է առաջխաղացումը Թել Ռիֆաթի շրջանում։ Նախօրեին վերահսկողության տակ է վերցվել Թել Ռիֆաթ քաղաքի կենտրոնը։
Սիրիական բանակը հայտնում է, որ «Սիրիայի ռազմաօդային ուժերի ինքնաթիռները ռուսական օդատիեզերական ուժերի աջակցությամբ հարվածներ են հասցրել ահաբեկիչների կենտրոններին Հալեպի հարավ-արևելքում գտնվող Էս-Սաֆիրա բնակավայրի ծայրամասերում»։ Հաղորդվում է, որ «հարվածների արդյունքում տասնյակ ահաբեկիչներ են սպանվել ու վիրավորվել»։
Թարգմանությունը՝ Էմմա Չոբանյանի
