29.11.2024 | 19:43
ՄԱԿ-ը հայտնում է, որ Սիրիայում մարտերի հետևանքով երեք օրվա ընթացքում 27 խաղաղ բնակիչ է զոհվել, այդ թվում՝ երեխաներ
Իրանցի գեներալ է սպանվել Սիրիայում թուրքամետ ուժերի հարձակման հետևանքով
Քաղաքականություն
29.11.2024 | 15:25
Իրանի Իսլամական հեղափոխության պահապանների (ԻՀՊԿ) բարձրագույն հրամանատարը սպանվել է Սիրիայի Հալեպ նահանգում ընդդիմադիր իսլամիստական ուժերի հարձակման ժամանակ:
Բրիգադային գեներալ Քիումարս Փուրհաշեմին, որը նաև հայտնի է որպես Հաջի Հաշեմ, եղել է Սիրիայում ավագ ռազմական խորհրդական: Նշվում է, որ նա սպանվել է «թաքֆիրական ահաբեկիչների» կողմից, տերմին, որը լայնորեն օգտագործվում է շիա մեծամասնություն ունեցող Իրանում ջիհադիստներին կամ արմատական սուննի իսլամի կողմնակիցներին մատնանշելու համար:
Հիշեցնենք, որ Թուրքիայի աջակցությունը վայելող «Հայաթ Թահրիր ալ-Շամ»-ի (HTS) և դաշնակից ապստամբ խմբավորումների զինյալները չորեքշաբթի հարձակում են սկսել՝ գրավելով մի քանի քաղաքներ և գյուղեր Հալեպ նահանգի հյուսիս-արևմուտքում․ շրջան, որը գտնվում է Իրանի ու ՌԴ-ի կողմից աջակցվող Սիրիայի նախագահ Բաշար Ասադի ուժերի վերահսկողության տակ:
Թարգմանությունը՝ Էմմա Չոբանյանի
