26.05.2026 | 17:25
Զոհվածի ծնող եմ, շնորհակալ եմ Իսախանյանից, բայց կարա՞նք արտաշիրիմում անենք․ կինը դիմեց Փաշինյանին․ ՏԵՍԱՆՅՈՒԹ
Շոյգուն հայտարարել է, թե ՌԴ միջուկային «հովանոցն» առաջին հերթին նախատեսված է ՀԱՊԿ երկրների համար
Քաղաքականություն
28.11.2024 | 15:01
Ռուսաստանի միջուկային «հովանոցը», համաձայն թարմացված միջուկային դոկտրինի, տարածվում է առաջին հերթին Հավաքական անվտանգության պայմանագրի կազմակերպության (ՀԱՊԿ) երկրների վրա։ Այս մասին հայտարարել է ՌԴ Անվտանգության խորհրդի քարտուղար Սերգեյ Շոյգուն, գրում է «Ինտերֆաքս»-ը։
«Ցանկանում եմ նշել, որ հին դոկտրինում էլ նախատեսված էր այդ հովանոցը, ինչպես ասում ենք, այդ թվում՝ մեր դաշնակիցների համար։ Դա պարզ էր և հստակ նշված։ Ինչ վերաբերում է նոր դոկտրինին, բնական է, այնտեղ խոսքն առաջին հերթին ՀԱՊԿ երկրների մասին է։ Առանձին հավելում կա, իմ կարծիքով՝ բավական կարևոր, դա վերաբերում է Բելառուսին»,- նշել է Շոյգուն Աստանայում ՀԱՊԿ ԱԳ, պաշտպանության նախարարների և Անվտանգության խորհուրդների քարտուղարների կոմիտեի համատեղ նիստի շրջանակում։
Նա նշել է, որ այժմ միջուկային զենքի կիրառման չափանիշները դոկտրինալ սահմանված են, երբ Բելառուսի դեմ ագրեսիա է իրականացվում սովորական զենքերով, և երբ վտանգված է հանրապետության գոյությունը։
Հիշեցնենք, որ ՌԴ նախագահ Վլադիմիր Պուտինը նոյեմբերի 19-ին հրամանագիր էր ստորագրել միջուկային զսպման ոլորտում Ռուսաստանի պետական քաղաքականության թարմանցված հիմունքները հաստատելու մասին։
Թարգմանությունը՝ Էմմա Չոբանյանի
