09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Նոր պաշտոնանկություններ և նշանակում Կառավարությունում
Քաղաքականություն
27.11.2024 | 17:32
ՀՀ վարչապետի աշխատակազմից տեղեկացնում են, որ վարչապետ Նիկոլ Փաշինյանի որոշմամբ Արմեն Ղազարյանն ազատվել է Միգրացիայի և քաղաքացիության ծառայության պետի պաշտոնից ու նշանակվել ներքին գործերի նախարարի տեղակալ: Իրենց զբաղեցրած պաշտոններից ազատվել են նաև ՆԳ նախարարի տեղակալ Դավիթ Համբարյանն ու ֆինանսների նախարարի տեղակալ Էդուարդ Հակոբյանը։
Ըստ այդմ՝
Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 7-րդ մասով՝ Միգրացիայի և քաղաքացիության ծառայության պետի ժամանակավոր պաշտոնակատար Արմեն Ղազարյանին ազատել զբաղեցրած պաշտոնից:
Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Արմեն Ղազարյանին նշանակել ներքին գործերի նախարարի տեղակալ:
Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Ներքին գործերի նախարարի տեղակալի ժամանակավոր պաշտոնակատար Դավիթ Համբարյանին ազատել զբաղեցրած պաշտոնից:
Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Էդուարդ Հակոբյանին ազատել ֆինանսների նախարարի տեղակալի
պաշտոնից:
Ավելի վաղ ՀՀ վարչապետ Նիկոլ Փաշինյանը գրառմամբ տեղեկացրել էր, որ Էդուարդ Հակոբյանը կնշանակվի ՊԵԿ նախագահ։
