23.06.2026 | 11:06
Խուզարկում են Իշխան Սաղաթելյանի բնակարանը և ավտոմեքենան
Լոնդոնում 6 մարդ է կալանավորվել քրդական PKK-ի հետ կապերի կասկածանքով
Քաղաքականություն
27.11.2024 | 18:36
Լոնդոնում հակաահաբեկչական ոստիկանության կողմից վեց մարդ է կալանավորվել արգելված զինյալ խմբավորման՝ Քուրդիստանի աշխատավորական կուսակցության (PKK) հետ կապված գործունեության կասկածանքով, գրում է BBC-ն:
Ոստիկանությունը հայտնել է, որ չորեքշաբթի վաղ առավոտյան առանձին հասցեներում ձերբակալվել են երկու կին՝ 59 և 31 տարեկան, և չորս տղամարդ՝ 27, 62, 56 և 23 տարեկան։ Բոլորը ձերբակալվել են ահաբեկչության մասին օրենքի համաձայն և գտնվում են Լոնդոնի ոստիկանական բաժանմունքում:
PKK-ն ահաբեկչական է ճանաչված Թուրքիայում, ԱՄՆ-ում և Մեծ Բրիտանիայում։
Նշվում է, որ հետաքննության շրջանակում սպաները խուզարկություններ են իրականացնում Բրիտանիայի մայրաքաղաքի ութ հասցեներում, այդ թվում՝ Հարինգեյի քրդական համայնքային կենտրոնում:
Սպասվում է, որ որոնողական աշխատանքները կտևեն մինչև երկու շաբաթ, մինչդեռ կենտրոնը և հարակից տարածքը փակ են հանրության համար: Ոստիկանությունից հայտնել են, որ մոտ օրերս պարեկություն կիրականացնեն լրացուցիչ սպաներ։
Հրամանատարի ժամանակավոր պաշտոնակատար Հելեն Ֆլենագանը հակաահաբեկչական հրամանատարությունից ասել է, որ ձերբակալությունները «շատ լուրջ մեղադրանքներով» հետևել են «զգալի» հետաքննությանը։
«Այս հետաքննությունը վերաբերում է մեր բոլոր համայնքների պաշտպանությանը, բայց հատկապես մեր թուրքական և քրդական համայնքներին»,- ասել է նա։
Թարգմանությունը՝ Էմմա Չոբանյանի
