26.05.2026 | 18:18
Միրզոյանը պարզաբանեց` ինչ է նկատի ունեցել «ծնգըլ արեցիք» ասելով․ ՏԵՍԱՆՅՈՒԹ
Գևորգ Պապոյանը տեղյակ չէ, որ Երևանում պետք է ԵՏՄ բարձրագույն խորհրդի նիստ տեղի ունենար
Տնտեսություն
27.11.2024 | 14:05
Էկոնոմիկայի նախարար Գևորգ Պապոյանը տեղյակ չէ, որ Երևանում դեկտեմբերին պետք է անցկացվեր ԵՏՄ Բարձրագույն խորհրդի նիստը։
«ԵՏՄ նիստը եղավ, ես այլ տեղեկատվության չեմ տիրապետում»,- ԱԺ-ում Factor TV-ի հարցին ի պատասխան՝ ասաց նախարարը:
Դիտարկմանը, թե խոսքը բարձրագույն խորհրդի նիստի մասին է, և որ, ըստ ռուսական կողմի, Նիկոլ Փաշինյանը խնդրել է այն անցկացնել ՌԴ-ում, Պապոյանը նշեց, որ նման տեղեկատվության չի տիրապետում։
Հիշեցնենք` ՌԴ նախագահի օգնական Յուրի Ուշակովը հայտարարել է, որ Հայաստանի խնդրանքով ԵՏՄ Բարձրագույն խորհրդի նիստը տեղի կունենա Սանկտ Պետերբուրգում՝ դեկտեմբերի 25-ին։ Ըստ նրա՝ հայկական կողմի խնդրանքով նիստը կազմակերպվել է Ռուսաստանի տարածքում, թեև այն նախագահելու է ՀՀ վարչապետ Նիկոլ Փաշինյանը:
Մանյա Պողոսյան
