20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Թուրքիայի ԱԳՆ-ն կոչ է անում միջազգային հանրությանը ճնշում գործադրել Իսրայելի վրա և փոխհատուցել Լիբանանին պատճառած վնասները
Քաղաքականություն
27.11.2024 | 16:35
Մենք ողջունում ենք Լիբանանում հրադադարի հաստատման բանակցությունների հաջող ավարտը և հույս ունենք, որ հրադադարը կլինի մշտական։ Այս մասին ասվում է Թուրքիայի ԱԳՆ-ի հայտարարության մեջ՝ նվիրված Լիբանանում Իսրայելի և «Հըզբոլլահի» միջև հրադադարի ռեժիմի հաստատմանը։
«Միջազգային հանրության համար հրամայական է ճնշում գործադրել Իսրայելի վրա՝ ամբողջությամբ պահպանելու հրադադարը և փոխհատուցում տրամադրելու այն վնասների համար, որոնք նա պատճառել է Լիբանանին։ Թուրքիան պատրաստ է անհրաժեշտ աջակցություն ցուցաբերել Լիբանանում ներքին խաղաղության հաստատման համար»,- ասվում է հայտարարության մեջ։
Անկարան նշում է, որ «տարածաշրջանում խաղաղություն և կայունություն ապահովելու համար Գազայում պետք է հնարավորինս շուտ հայտարարվի մշտական ու համապարփակ հրադադար, և Իսրայելը պետք է դադարեցնի իր ագրեսիվ քաղաքականությունը»։
Հիշեցնենք, որ Լիբանանում Իսրայելի և «Հըզբոլլահի» միջև հրադադարը սկսվել է չորեքշաբթի վաղ առավոտյան։
Թարգմանությունը՝ Էմմա Չոբանյանի
