26.11.2024 | 21:14
Ուժեղացված ծառայություն Երևանում. տարբեր կասկածանքներով բաժիններ է տեղափոխվել 22 անձ
Թուրքիայի ամբողջ տարածքում PKK/YPG-ի, ԻԼԻՊ-ի և FETO-ի դեմ գործողություններ են իրականացվել․ ձերբակալվածներ կան
Քաղաքականություն
26.11.2024 | 17:26
Թուրքիայի իրավապահները խոշոր հակաահաբեկչական գործողություններ են իրականացրել՝ ուղղված Անկարայի կողմից ահաբեկչական ճանաչված երեք կազմակերպությունների՝ PKK/YPG-ի, ԻԼԻՊ-ի և հանգուցյալ կրոնական քարոզիչ Ֆեթուլլահ Գյուլենի կազմակերպության՝ FETO-ի դեմ, գրում է Turkiye today-ը։
Բազմաթիվ նահանգներում իրականացված գործողությունների հետևանքով 78 կասկածյալ է ձերբակալվել, որոնք ներգրավված են տարբեր անօրինական գործողությունների, ներառյալ՝ ահաբեկչության և ահաբեկչության հետ կապված քարոզչության մեջ։
Հաղորդվում է, որ Իզմիրում PKK/YPG խմբավորման դեմ գործողության շրջանակում 10 կասկածյալ է ձերբակալվել։ Իզմիրի դատախազությունը ձերբակալելու օրդեր է տվել այն անձանց նկատմամբ, որոնք մեղադրվում են սոցիալական ցանցերում ահաբեկչական քարոզչություն տարածելու և արտերկրում ահաբեկչական կազմակերպությունների հանդիպումներին մասնակցելու մեջ։
ԻԼԻՊ ահաբեկչական խմբավորման դեմ «Gurz-26» կոչվող գործողության հետևանքով 18 նահանգներում ձերբակալվել է 54 մարդ։
Ներքին գործերի նախարար Ալի Երլիքայայի խոսքով՝ կասկածյալներից 20-ն արդեն կալանավորվել է, իսկ 11-ը դատական հսկողության տակ է։ Մնացած անձանց նկատմամբ հետաքննությունը շարունակվում է։
Հաղորդվում է, որ Ստամբուլում կալանավորվել է Սեյֆուլլա Թոսունը՝ հետախուզման մեջ գտնվող FETO-ի գործիչ Նաջի Թոսունի փաստաբանն ու որդին։ Նշվում է, թե Թոսունը կապ է պահպանում կազմակերպության բարձրագույն ղեկավարության հետ և ներգրավված է եղել Ստամբուլում գործողությունների համակարգմանը։
Թարգմանությունը՝ Էմմա Չոբանյանի
