09.09.2026 | 16:38
Արմեն Գրիգորյանը նոր պաշտոն է ստացել միջազգային ընկերությունում
Ռուսաստանը պետք է վճարի 1000 օրվա հանցագործության և ավերածությունների համար. Ֆոն դեր Լեյեն
Քաղաքականություն
19.11.2024 | 23:01
Ռուսաստանը պետք է վճարի հազար օրվա հանցագործության և ավերածությունների համար: Այս մասին հայտարարել է Եվրահանձնաժողովի նախագահ Ուրսուլա ֆոն դեր Լեյենը, հաղորդում է ԵՀ մամուլի ծառայությունը, փոխանցում է Korrespondent-ը։
«Այսօր սգո, բայց նաև խոստման օր է, խոստանում ենք ձեր կողքին մնալ այնքան, որքան հարկ լինի։ Ուկրաինայի ապագան մեր Միությունում է։ Ձեր ազատությունը մեր ազատությունն է: Իսկ մեր Միությունը ձեր տունն է»,- ասել է նա։
Նշվում է, որ Եվրահանձնաժողովը հաստատակամորեն հավատարիմ է Ուկրաինայի հետ իր հանձնառությանը: Լայնամասշտաբ ներխուժման սկզբից ի վեր ԵՄ-ն և նրա անդամ երկրները մոբիլիզացրել են աննախադեպ տնտեսական, հումանիտար և ռազմական օգնություն Ուկրաինայի և ուկրաինացիների համար՝ մոտ 124 միլիարդ եվրո ընդհանուր գումարով։
Պատերազմից փախած 4 միլիոն մարդկանց պաշտպանություն է տրամադրվել, ղեկավարվել են միջազգային ջանքերը՝ աջակցելու Ուկրաինայի ինքնիշխանությանը, անվտանգությանն ու վերակառուցմանը: Ռուսաստանի և նրա ղեկավարության դեմ սահմանվել են մի շարք հեռուն գնացող պատժամիջոցներ։
Թարգմանությունը՝ Տաթև Ֆռանգյանի
