26.05.2026 | 21:25
Ինչպես պետք է քվեարկի հաշմանդամություն ունեցող անձը․ խնդիրների և առաջարկվող բարելավումների հետքերով․ ՏԵՍԱՆՅՈՒԹ
«Իմ քայլը» բարեգործական հիմնադրամի Հոգաբարձուների խորհրդի նախագահ է ընտրվել Լենա Նազարյանը
Քաղաքականություն
19.11.2024 | 15:44
Նոյեմբերի 15-ին տեղի է ունեցել «Իմ քայլը» բարեգործական հիմնադրամի Հոգաբարձուների խորհրդի արտահերթ նիստ, որի օրակարգում մեկ հարց էր՝ Խորհրդի նոր նախագահի ընտրություն։
«Հիմնադրամի հոգաբարձուների խորհրդի անդամների միաձայն որոշմամբ «Իմ քայլը» բարեգործական հիմնադրամի Հոգաբարձուների խորհրդի նախագահ է ընտրվել Հիմնադրամի համահիմնադիր և Հոգաբարձուների խորհրդի անդամ Լենա Նազարյանը»,- ասված է հիմնադրամի տարածած հաղորդագրությունում։
Հետաքրքրական է, որ «Քաղաքացիական պայմանագիր» խմբակցության պատգամավոր Լենա Նազարյանը տևական ժամանակ է հանրային ակտիվություն չի ցուցաբերում․ լրագրողներին հարցազրույցներ չի տալիս, ճեպազրույցների չի մասնակցում, ԱԺ ամբիոնից ելույթ չի ունենում, օրենսդրական նախաձեռնությամբ հանդես չի գալիս․․․
Քիչ առաջ տեղեկացրինք նաև, որ ՀՀ բարձր տեխնոլոգիական արդյունաբերության նախարար Մխիթար Հայրապետյանը և ՀՀ կրթության, գիտության, մշակույթի և սպորտի նախարար Ժաննա Անդրեասյանը դադարեցրել են անդամակցությունն «Իմ քայլը» բարեգործական հիմնադրամի Հոգաբարձուների խորհրդին։
