18.11.2024 | 22:30
Ադրբեջանի նավթագազային եկամուտները կնվազեն ավելի քան 441 մլն դոլարով․ ֆինանսների նախարար
ԵՄ-ն դադարեցնում է Վրաստանի կառավարությանը տրամադրվող ֆինանսական օգնությունը․ Բորել
Քաղաքականություն
18.11.2024 | 17:28
ԵՄ դիվանագիտության ղեկավար Ժոզեպ Բորելը հայտարարել է, որ Բրյուսելը դադարեցնում է ֆինանսական օգնությունը Վրաստանի կառավարությանը և այդ նպատակով նախատեսված 100 միլիոն եվրոն կարող է օգտագործել քաղաքացիական հասարակության կազմակերպություններին աջակցելու համար։ Այս մասին նա ասել է Բրյուսելում ԵՄ Նախարարների խորհրդի նիստի մեկնարկից առաջ:
«Այսօր բոլորը կքննարկեն Վրաստանում տիրող իրավիճակը՝ կոնկրետ որոշումներ կայացնելու համար: Ես առաջարկել եմ դադարեցնել կառավարության [աջակցության] հետ կապված ծրագրերի մի կարևոր մասը: Ավելի քան 100 միլիոն եվրոն կսառեցվի և իշխանություններին փոխանցվելու փոխարեն՝ կօգտագործվի քաղաքացիական հասարակության կազմակերպություններին աջակցելու համար՝ արդար ընտրությունների համար պայքարում նրանց աջակցելու նպատակով։ Վրաստանի ժողովուրդը կշարունակի աջակցություն ստանալ Եվրամիությունից»,- ասել է Բորելը:
Նա նաև նշել է Վրաստանի խորհրդարանական ընտրություններում խախտումների հետաքննության անհրաժեշտության մասին։
Թարգմանությունը՝ Տաթև Ֆռանգյանի
