08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Փաշինյանը եթե ասի` մանդատս վայր կդնեմ. Վահագն Ալեքսանյան․ ՏԵՍԱՆՅՈՒԹ
Քաղաքականություն
18.11.2024 | 13:05
«Քաղաքացիական պայմանագիր» կուսակցության վարչությունում Հովիկ Աղազարյանի հարցով կարգապահական վարույթ կա, որը հարուցվել էր խորհրդարանական լսումներից հետո, և այդ վարույթը պիտի քննարկվի, այս մասին լրագրողների հետ ճեպազրույցում տեղեկացրեց «Քաղաքացիական պայմանագիր» խմբակցության պատգամավոր Վահագն Ալեքսանյանը։
Լրագրողը դիտարկում արեց, թե ՀՀ-ում որոշումները կայացվում են միանձնյա, և նրան հարց ուղղեց՝ եթե Փաշինյանն իրեն ասի, որ մանդատը պետք է վայր դնի, չի՞ դնելու։ Վահագն Ալեքսանյանը հարցին ի պատասխան ասաց․ «Եթե մեր կուսակցության վարչությունը կարգապահական վարույթում որոշի, որ ես պետք է մանդատս վայր դնեմ, ապա՝ կդնեմ։ Եթե իմ քաղաքական թիմի առաջնորդն ինձ ման բան ասի, կանեմ»։
Հիշեցնենք, որ այսօր հրաժարականի դիմումներ են գրել ՀՀ Բարձրագույն դատական խորհրդի նախագահ Կարեն Անդրեասյանը, Հակակոռուպցիոն կոմիտեի նախագահ Սասուն Խաչատրյանը, ՆԳ նախարար Վահե Ղազարյանը, ՀՀ քննչական կոմիտեի նախագահ Արգիշտի Քյարամյանը, ՊԵԿ նախագահ Ռուսատամ Բադասյանը և ՏԿԵ նախարար Գնել Սանոսյանը։
Մանրամասները՝ տեսանյութում։
