09.09.2026 | 11:42
Ծովինար Վարդանյանը՝ ԱԺ ֆինանսավարկային և բյուջետային հարցերի մշտական հանձնաժողովի փոխնախագահ
Մարզահամերգային համալիրը կվերազինվի հակահրդեհային, օդափոխության և էլեկտրական ժամանակակից համակարգերով
15.11.2024 | 15:33
ՀՀ կառավարությունը նոյեմբերի 15-ի նիստի ժամանակ հաստատել է 1,34 մլրդ դրամ բյուջետային վարկի տրամադրումը՝ Կարեն Դեմիրճյանի անվան մարզահամերգային համալիրի օդափոխության, հակահրդեհային և էլեկտրական համակարգերի արդիականացման նպատակով․ այս մասին հայտնում են Պետական գույքի կառավարման կոմիտեից (ՊԳԿԿ), ընդգծելով, որ համալիրն իր բացառիկ նշանակությամբ Հայաստանի մշակութային խորհրդանիշներից մեկն է:
«Տարածաշրջանում իր մրցունակությունը պահպանելու և բարձրացնելու նպատակով անհրաժեշտ է, որ այն համապատասխանի միջազգային չափանիշներին՝ ապահովելով այցելուների ու միջոցառումների անվտանգությունն ու հարմարավետությունը: Համալիրում ավելի քան 40 տարի գրեթե լայնածավալ կապիտալ վերանորոգման աշխատանքներ չեն իրականացվել, ուստի ֆինանսական միջոցների հատկացումը թույլ կտա վերազինել նշված համակարգերը` նպաստելով տարածքի բազմաֆունկցիոնալ օգտագործմանը և եկամտաբերությանը»,- նշված է ՊԳԿԿ-ի տարածած հաղորդագրության մեջ
Նախագիծը միտված է նաև համալիրի հետագա ինքնաֆինանսավորման հնարավորությունների ապահովմանը՝ պայմաններ ստեղծելով եկամուտների և զուտ շահույթի աստիճանական մեծացմանը:
